Presidentja Gordana Siljanovska Davkova priti sot në një takim lamtumire Ambasadoren e Shteteve të Bashkuara të Amerikës, Angela Price Ageler.
Të dy riafirmuan se të dy vendet, si aleatë të hershëm, kultivojnë miqësi të fortë të bazuar mbi respektin dhe mirëkuptimin e ndërsjellë. Ato ranë dakord se dialogu politik maqedono-amerikan është intensifikuar vitet e fundit.
Ambasadorja Ageler e uroi Presidenten Siljanovska Davkova për zgjedhjen e dy anëtarëve të Këshillit Gjyqësor, duke e vlerësuar zgjedhjen si një hap të rëndësishëm drejt reformimit të këtij organi të rëndësishëm gjyqësor.
Presidentja Siljanovska Davkova, në emër të qytetarëve maqedonas, falënderoi Ambasadoren Ageler për kontributin e saj në thellimin e bashkëpunimit dhe forcimin e partneritetit strategjik.
Si shembull i marrëdhënieve të shkëlqyera dypalëshe, ajo përmendi dhënien e Medaljes së Meritës Ushtarake Gjeneralit Major Gregory Knight, Komandant i Gardës Kombëtare të Vermontit.
Ambasadorja Ageler theksoi se, edhe pas largimit nga Shkupi, ajo do të vazhdojë të ndihmojë vendin në të cilin kaloi një pjesë të konsiderueshme të karrierës së saj, për çfarë Presidentja Siljanovska Davkova e falënderoi dhe i uroi suksese të mëtejshme profesionale.
