Presidentja Gordana Siljanovska Davkova, u dërgoi urim kryetarit të Bashkësisë hebraike Pepo Levi dhe të gjithë përfaqësuesve të bashkësisë hebraike me rastin e kremtimit të festës Jom Kipur.
I nderuar z. Pepo Levi,
Më lejoni, Juve, personalisht dhe të gjithë anëtarëve të Bashkësisë Hebraike, t’ju uroj nga zemra festën më të shenjtë hebraike – Jom Kipur, ta kaloni atë, mbi të gjitha, me shëndet të mirë, të mbushur me gëzim dhe dashuri.
Si festë pendimi, shpengimi dhe pajtimi, Jom Kipur është dëshmi e gjallë e botëkuptimit dhe spiritualitetit hebraik që fisnikëron edhe atdheun tonë të përbashkët.
Besoj se kremtimi i Jom Kipur është një tjetër mundësi e bukur për të treguar unitetin dhe forcën e respektit dhe vlerësimit të ndërsjellë shekullor pavarësisht nga përkatësia fetare ose etnike.
Së bashku, me përkushtim dhe pa kompromis, le të vazhdojmë të ndërtojmë Republikën Maqedonase si një shtet demokratik dhe të begatë dhe të sigurojmë mirëqenien e të gjithë qytetarëve tanë.
G’mar chatima tova.
Gordana Siljanovska Davkova
