Presidentja Gordana Siljanovska-Davkova, në kuadër të Konferencës së tretë të Kombeve të Bashkuara për oqeanin, që mbahet në Nicë, nënshkroi Marrëveshjen sipas Konventës së OKB-së për të drejtën e detit mbi ruajtjen dhe përdorimin e qëndrueshëm të diversitetit biologjik detar të zonave përtej juridiksionit kombëtar (Marrëveshja BBNJ).
Qëllimi i kësaj marrëveshjeje është që përmes forcimit të bashkëpunimit dhe koordinimit ndërkombëtar, të ndalohet humbja e biodiversitetit dhe degradimi i ekosistemeve.
Duke theksuar se megjithëse jemi një vend kontinental, kemi bërë hap të jashtëzakonshëm duke iu bashkuar kësaj marrëveshjeje, si shumë vende të tjera, Presidentja Siljanovska-Davkova tha – sepse kur flasim për ujërat, nënkuptojmë ujërat nga përroi, nga burimi, deri në oqean dhe për këtë arsye është e rëndësishme që sa më shumë vende ta nënshkruajnë këtë Marrëveshje.
Ajo theksoi se marrëveshja në fjalë na imponon edhe detyrime serioze që duhet t’i marrim seriozisht, sepse si shtet jemi të detyruar të bëjmë gjithçka për mbrojtjen e biodiversitetit ujor dhe për zhvillimin e qëndrueshëm të ujërave.
Duke vlerësuar se situata me oqeanet dhe ujërat aspak nuk është e kaltër, presidentja Siljanovska-Davkova potencoi se gjërat duhet të ndryshohen në interes të mbrojtjes së tyre, sepse të gjitha vendet në botë përfitojnë prej saj, pavarësisht a janë në det apo jo – kjo do të thotë se vendi ynë do të përfitojë vetëm nga mbrojtja e ujërave.
Në kuadër të Konferencës që po mbahet në Nisë, presidentja Gordana Siljanovska-Davkova pati edhe një takim të shkurtër me presidentin francez Emanuel Makron.
