Presidentja Gordana Siljanovska-Davkova pranoi kredencialet e Ambasadorit të Jashtëzakonshëm dhe Fuqiplotë të Republikës së Filipineve në vend me seli në Athinë, Giovanni Endencia Palek.
Presidentja Siljanovska-Davkova potencoi rëndësinë e marrëdhënieve dhe bashkëpunimin me Filipinet si në nivel bilateral ashtu edhe në nivel multilateral. Të dy vendet duhet të fokusohen mbi intensifikimin e dialogut politik, shfrytëzimin e potencialit në ekonominë dhe tregtinë, zhvillimin e lidhjeve kulturore, stimulimin e shkëmbimit shkencor dhe arsimor, si dhe mbi turizmin.
Duke theksuar faktin se po jetojmë në një kohë sfidash dhe kërcënimesh reale për paqen dhe sigurinë globale, si dhe tendencën për të zgjidhur problemet me forcë, presidentja Siljanovska-Davkova theksoi domosdoshmërinë e bashkëpunimit aktiv në kuadër të Kombeve të Bashkuara dhe organizatave dhe forumeve të tjera ndërkombëtare përkatëse, në frymën e multilateralizmit.
Duke vlerësuar ceremoninë e sotme si historike, Ambasadori i Jashtëzakonshëm dhe Fuqiplotë Palek theksoi se takimi paraqet moment i veçantë jo vetëm për të, por edhe për të dy vendet, pasi po ndërmerren hapa konkretë për vendosjen e marrëdhënieve më të ngushta.
Ambasadori Palek potencoi se edhe pse marrëdhëniet diplomatike formale janë në fazë të hershme, ato bazohen mbi vlerat dhe parimet e përbashkëta, respektin e të drejtave të njeriut, sundimin e ligjit dhe zgjidhjen e mosmarrëveshjeve në mënyrë paqësore.
Pas vendosjes së marrëdhënieve diplomatike në vitin 2021, ambasadori Palek është filipinasi i parë që mban këtë pozicion të përgjegjshëm në vend, me ç‘rast presidentja Siljanovska-Davkova konstatoi se ai po bëhet pjesë e historisë së marrëdhënieve maqedonase-filipinase.
