Presidentja Gordana Siljanovska Davkova pati një takim jashtëzakonisht të dobishëm me Brendan Hanrahan, Shefin e Byrosë së Çështjeve Europiane dhe Euroaziatike në Departamentin e Shtetit të SHBA-së, ku shkëmbyen pikëpamje lidhur me disa çështje aktuale me interes të ndërsjellë.
Në këtë takim, Presidentja Siljanovska Davkova, së bashku me Ministrin e Punëve të Jashtme dhe Tregtisë së Jashtme, Timço Muçunski, si dhe Ministrin e Çështjeve Europiane, Orhan Murtezani, përshëndetën trendin në rritje në zhvillimin e marrëdhënieve dypalëshe dhe i kanë diskutuar fushat ku mund të arrihet përparim shtesë.
Fokusi i bisedës u bë mbi potencialin për thellimin e partneritetit strategjik të Maqedonisë me Shtetet e Bashkuara të Amerikës.
Presidentja Siljanovska Davkova theksoi se inkurajon mbështetjen e Uashingtonit për disa çështje strategjike, siç është hapja e korridoreve energjetike me interes për të dy vendet, si dhe forcimi i diplomacisë ekonomike.
Bashkëbiseduesit konfirmuan bashkëpunimin jashtëzakonisht të suksesshëm që rezulton nga anëtarësimi në Aleancën e Atlantikut të Veriut.
