Me vizitë të Kishës Ortodokse Maqedonase “Lindja e Hyjlindëses Më të Shenjtë” në Sterling Heights, Michigan dhe në takim me komunitetin maqedonas, Presidentja Gordana Siljanovska Davkova e përmbylli vizitën e saj të punës në Shtetet e Bashkuara të Amerikës.
Ajo mori pjesë në liturgjinë e mëngjesit të mbajtur nga Ati Sinisha Ristovski dhe pati takim të shkurtër me Mitropolitin e Dioqezës Amerikano-Kanadeze të Kishës Ortodokse Maqedonase – KO, Ipeshkvin Metodij.
Në emër të klerit, Ati Sinisha theksoi se ishte një nder i madh për ta që të kishin të pranishme Presidenten Siljanovska Davkova. “Ju mbani një përgjegjësi që frymëzon besim, respekt dhe shpresë, me çdo vendim, iniciativë dhe fuqi tuajën, për të transformuar jetë, për të ndriçuar shtigjet e së vërtetës dhe për të krijuar ura bashkëpunimi dhe mirëkuptimi midis popujve”, tha Ati Sinisha pas liturgjisë.
Presidentja Siljanovska Davkova shprehu kënaqësinë e saj për pritjen e ngrohtë nga përfaqësuesit e komunitetit maqedonas gjatë vizitës së saj në New York dhe Detroit dhe theksoi se veprimet dhe përkushtimi i tyre janë provë se kudo që të jemi, nuk e humbasim identitetin tonë maqedonas.
“Edhe kur jam në Shtetet e Bashkuara të Amerikës, vetëm falë juve ndihem si në shtëpi. Kjo është ajo që më bën krenare për ju. Ne duhet ta rifitojmë diasporën tonë”, tha Presidentja Siljanovska Davkova.
Ajo theksoi rëndësinë e ruajtjes dhe forcimit të lidhjeve me mërgimtarët maqedonas dhe riafirmoi angazhimin për të krijuar një Këshill të Diasporës dhe një Regjistri të Diasporës.
Duke u dhënë merita mërgimtarëve tanë për suksesin e tyre profesional edhe në vendet më konkurruese si Shtetet e Bashkuara të Amerikës, Presidentja Siljanovska Davkova u uroi atyre suksese të vazhdueshme.
Duke cituar Bernard Shaw i cili ka thënë se “mund të ndryshoni gjithçka në jetë, por atdheu nuk mundet”, Presidentja Siljanovska Davkova porositi: “Ne duhet t’ua kalojmë atë që kemi trashëguar fëmijëve tanë nëse dëshirojmë të mbijetojmë”.
Presidentja Siljanovska Davkova vizitoi gjithashtu Shkollën e Kishës së së Dielës që vepron brenda kishës, ku rreth 120 fëmijë maqedonas kanë mundësinë të mësojnë rreth fesë ortodokse, traditës maqedonase dhe të mësojnë gjuhën maqedonase.
