Presidentja Gordana Siljanovska Davkova, në suazat e pjesëmarrjes në Samitin për ndryshimet klimatike (KOP29) në Baku, u takua me kryeministrin e Hungarisë, Viktor Orban.
Në këtë takim u bisedua për marrëdhëniet e përgjithshme bilaterale midis sy shteteve, si në planin politika ashtu edhe në planin ekonomik, si edhe mbi aspiratat maqedonase për anëtarësim në Bashkimin Evropian.
Në takim u konstatua se Hungaria mbetet mbështetëse e fuqishme e evrointegrimeve maqedonase dhe në këtë kontekst, Presidentja Siljanovska Davkova shprehu mirënjohjen për mbështetjen që Hungaria e jep në disa fusha, duke përfshirë aspiratat evropiane të shtetit tonë, si dhe fakti që çështja e zgjerimit është në krye të agjendës së presidencës aktuale hungareze të Bashkimit Evropian.
Në këtë takim Presidentja Siljanovska Davkova theksoi se si shtet nuk shohim alternativë për integrim dhe anëtarësim të plotë në BE dhe shprehu shpresën për një proces të drejtë të anëtarësimit në BE që do të respektojë dinjitetin e qytetarëve maqedonas.
