Këshilltarët e pavarur konsiderojnë se ndryshimet aktuale të Kodit Zgjedhor, me të cilat parashihet detyrimi për mbledhjen e më shumë se 1% të nënshkrimeve të elektoratit për dorëzimin e listave të kandidatëve të pavarur në disa komuna, i vendosin ata në pozicion të pabarabartë sa i përket procesit zgjedhor.
Për ta, ndryshimet e lartpërmendura janë jokushtetuese si nga pikëpamja procedurale për shkak të procedurës së shkurtuar, ashtu edhe nga pikëpamja materiale për shkak të diskriminimit.
Ata presin nga deputetët zgjidhje ligjore mbi barazinë e garantuar kushtetuese të së drejtës pasive dhe aktive për të drejtën e votimit të çdo qytetari, nxitjen e pluralizmit politik, si dhe mundësimin e zgjedhjeve të drejta dhe demokratike.
Presidentja Siljanovska-Davkova riafirmoi nevojën për një procedure gjithëpërfshirëse, me qëllim të arritjes së konsensusit të gjerë lidhur me ndryshimet e Kodit Zgjedhor, respektimin e parimeve, rregullave dhe praktikave të mira ndërkombëtare zgjedhore, si dhe marrjen në konsideratë të vendimeve të Gjykatës Kushtetuese.
