Presidentja Gordana Siljanovska Davkova e mirëpriti Kryetarin e Kuvendit të Madh Nacional të Turqisë, Numan Kurtulmush, i cili është në vizitë zyrtare në shtetin tonë.
Në këtë takim u bisedua mbi përforcimin e marrëdhënieve shumëvjeçare bilaterale, intensifikimin e bashkëpunimit ekonomik dhe thellimin e bashkëpunimit midis parlamenteve.
Presidentja shprehu falënderim për mbështetjen e përhershme të Turqisë, duke i theksuar marrëdhëniet miqësore dhe duke shkëmbyer përvoja personale dhe profesionale me kolegët dhe koleget turke. Ajo e falënderoi për projektet dhe donacionet e shumta turke në vend.
Duke u angazhuar për marrëdhënie ekonomike edhe më intensive, Presidentja mori angazhim për fillimin e investimeve të reja dhe zmadhimin e vëllimit të shkëmbimit tregtar, stimulimit të turizmit, si edhe intensifikimin e bashkëpunimit dhe shkëmbimit në fushën arsimore dhe kërkimore akademike.
Presidentja tha se Turqia është aleati ynë i dëshmuar në NATO, duke shprehur falënderim për të gjitha format e mbështetjes, me theks të veçantë në donacionet e rregullta në fushën e mbrojtjes, të cilat kontribuojnë për përforcimin e aftësisë sonë mbrojtëse.
Presidentja, e uroi edhe njëherë 21 Dhjetorin, Ditën e Mësimdhënies në Gjuhën Turke, duke e theksuar njohjen e gjuhës dhe kulturës turke si pjesë e thesarit multikulturor maqedonas dhe simbol i bashkëjetesës midis maqedonasve dhe turqve.
Kryetari Kurtulmush theksoi se Turqia sheh te shteti ynë një mik të sinqertë dhe të dëshmuar, duke e theksuar statusin dhe rolin e rëndësishëm të bashkësisë turke në të, që është një dëshmi e fuqishme për respektin dhe mirëkuptimin e ndërsjellë.
Takimi përfundoi me marrjen e angazhimeve të ndërsjella për thellimin e marrëdhënieve miqësore të afërta dhe për përparimin e bashkëpunimit të frytshëm, ku Kryetari Kurtulmush me nder të veçantë e ftoi Presidenten në vizitë zyrtare në Republikën e Turqisë.
