Претседателот Стево Пендаровски денеска го прими Јовица Угриновски во својство на претседател на Федерацијата за планинарство на Северна Македонија – Скопје (ФПСМ).
На средбата претседателот на ФПСМ, Угриновски, го запозна претседателот Пендаровски со активностите на здружението, со предизвиците со кои што се соочуваат клубовите – членки, како и со состојбите со планинарските домови низ државата, како објекти од голема важност за развојот на еко-туризмот.
Угриновски информираше за достигнувањето на ФПСМ да ја добие честа следната недела да организира состаноци на управните органи на Меѓународна Федерација за качување и планинарење (UIAA), како и генералните собранија на Европската Унија на планинарски асоцијации (EUMA) и Балканската планинарска унија (BMU). Првпат од нивното постоење, трите меѓународни организации, ќе одржуваат состаноци и Генерални Собранија на едно место, во Скопје.
Претседателот Пендаровски изрази поддршка за претстоечкиот настан кој е од значење за државата, на континуираната заложба на ФПСМ во насока на популаризација на планинарските спортови и планинарањето, особено кај младите.