Претседателот Стево Пендаровски денеска го прими активистот Илија Јовановиќ, претседател на здружението за деца без родители и поддршка на социјално ранливи групи на граѓани „Градиме иднина.“
На средбата Јовановиќ го информираше претседателот за активностите кои ги презема за заштита и поддршка на младите на кои по излегувањето од домовите им е потребна помош при вработување, сместување и понатамошна реализација во општеството. Претседателот Пендаровски беше информиран и за активностите кои Јовановиќ ги презема за спречување на питачењето на деца на улица, како и мерките кои предлага да се донесат и спроведат за искорнување на оваа појава.
Претседателот изрази поддршка за преземање на активности за искоренувањето на питачењето на децата на улица и зајакната социјална заштита за децата кои се без целосна родителска грижа.
