Претседателот Стево Пендаровски, по повод одбележувањето на еврејскиот празник Јом Кипур, упати порака до претседателот на Еврејската заедница во Република Северна Македонија, Пепо Леви и до сите припадници на еврејската заедница во Република Северна Македонија.
Почитуван г. Пепо Леви,
Дозволете ми, вам, лично, и на сите припадници на Eврејската заедница во Република Северна Македонија од сè срце да ви го честитам, најсветлиот еврејски празник, Јом Кипур и да ви посакам празничните денови да ги поминете пред се во добро здравје исполнети со среќа, радост и љубов.
Во очи на овој празник на покајанието, искупувањето и помирувањето, уште еднаш да се потсетиме на сите добродетели во човечкиот живот и да даруваме добрина и милосрдие. Еврејскиот народ преживеа неопишлива трагедија која најсурово ја почувствува и македонската еврејска заедница, која за време на холокаустот загуби 98 проценти од својата популација, но го задржа достоинството, интегритетот, хуманоста и човекољубието, простувајќи, но не заборавајќи.
Дозволете на крајот уште еднаш честитајќи го празникот да посакам бериќет и просперитетот на нашата заедничка татковина, Република Северна Македонија и на сите нејзини граѓани.
G’mar chatima tova.
Стево Пендаровски
