Прес-конференција на претседателите Пендаровски и Милатовиќ на Самитот на шефови на држави и влади на земјите членки на ПСЈИЕ

27 јуни 2023 | Соопштенија

Претседателот Стево Пендаровски денеска во Подгорица, Црна Гора, со црногорскиот претседател Јаков Милатовиќ одржаа заедничка прес-конференција, во својство на претседатели на земјите кои се актуелен и следен претседавач со Процесот за соработка во Југоисточна Европа. Претседавањето на Република Северна Македонија со ПСЈИЕ започнува на 1 јули 2023 година.

Во продолжение е интегралниот текст од изјавата на претседателот Пендаровски.

Почитуван претседателе Милатовиќ,

Почитувани претставници на медиумите,

Најпрво дозволете ми да изразам голема благодарност до нашиот домаќин, претседателот Милатовиќ и до целиот тим, за посветеноста за време на црногорското претседавање со Процесот за соработка на Југоисточна Европа, и за срдечниот прием што го имавме овде, во Подгорица.

Ние сме следниот претседавач со Процесот и во оваа прилика сакам накусо да ги споделам со вас приоритетите на нашиот мандат.

Со оглед на војната во Украина, која е несомнено, огромен предизвик за европскиот континент и пошироко, но и постојните предизвици кои произлегуваат од нерешените прашања во нашиот регион, како идни претседавачи ќе се фокусираме на принципите наведени во основачките документи на оваа иницијатива, кои во голема мерка се релевантни и денес: добрососедски односи, стабилност, безбедност и интеграција на нашите земји во европското семејство на слободни и демократски народи.

Слоганот на македонското претседавање со Процесот за соработка е: „Премостување на поделбите, градење доверба“. Мислам дека во таа смисла сме прилично квалификувани ако се имаат во предвид сите договори и компромиси кои ги направивме и внатре во земјата, но и со нашите соседи со цел да напредуваме кон Европа.

За време на нашиот мандат ќе вложиме максимални напори преку дијалог и меѓусебно разбирање и почит да ги искористиме сите можности и дојдеме до поголема регионална стабилност и просперитет.

Владеење на правото, промоција на човековите слободи и права, а особено борбата против корупцијата ќе бидат меѓу приоритетите на нашата агенда, исто така и енергетската безбедност на Југоисточна Европа, транс-европските транспортни коридори и културната размена меѓу народите.

Клучен предуслов за напредок и демократија во регионот е неговото интегрирање во Европската Унија и во тој контекст би сакал да ја поздравам неодамнешната изјава на претседателката на Европската Комисија за новиот План за развој на Западниот Балкан каде што главната заложба е идните членки на Унијата да почувствуваат дел од придобивките на членство и пред формално да станат членки.

Уште еднаш, голема благодарност до нашите домаќини, и до сите наши колеги.

Се гледаме догодина во Скопје.

Благодарам.

Категории

Categories

Kategori

Последни вести

Latest news

Lajmet e fundit

Отворен Кабинет за основци од училиштето „Мирче Ацев“ и за  лица од Заводот за рехабилитација на деца и младинци

Отворен Кабинет за основци од училиштето „Мирче Ацев“ и за лица од Заводот за рехабилитација на деца и младинци

Кабинетот на претседателот, во рамки на Отворен кабинет, денеска го посетија ученици од ООУ „Мирче Ацев“ и лица од Заводот за рехабилитација на деца и младинци од Скопје. [gallery...

Средба на претседателот Пендаровски со писателката Оља Петрушевска Томева

Средба на претседателот Пендаровски со писателката Оља Петрушевска Томева

Претседателот Стево Пендаровски денеска во книжарницата „Сакам книги“ оствари средба со писателката Оља Петрушевска Томева. Истакнувајќи дека речиси и да нема сличност меѓу пишувањето и нејзината примарна професија...

Средба на претседателот Пендаровски со претседателот на Црна Гора, Милатовиќ

Средба на претседателот Пендаровски со претседателот на Црна Гора, Милатовиќ

Претседателот Стево Пендаровски на маргините на 60. Минхенска безбедносна конференција, вчеравечер оствари средба со претседателот на Црна Гора, Јаков Милатовиќ. На средбата, двајцата соговорници разменија мислења за севкупните билатерални односи, изразувајќи...

Учество на претседателот Пендаровски на панел-дискусијата „Фокус на Балканот“ на Минхенската безбедносна конференција

Учество на претседателот Пендаровски на панел-дискусијата „Фокус на Балканот“ на Минхенската безбедносна конференција

Претседателот Стево Пендаровски, во рамки на учеството на 60. Минхенска безбедносна конференција денеска говореше на панел-дискусијата „Фокус на Балканот“, на која учествуваа и претседателот на Црна Гора, Јаков Милатовиќ, премиерот на Република Албанија, Еди Рама и...

Учество на претседателот Пендаровски на дебатата „Дали Западен Балкан е дел од големата слика? Мапирање на новата европска безбедносна архитектура“

Учество на претседателот Пендаровски на дебатата „Дали Западен Балкан е дел од големата слика? Мапирање на новата европска безбедносна архитектура“

Претседателот Стево Пендаровски во рамки на 60. Минхенска безбедносна конференција, вчеравечер учествуваше на дебатата насловена „Дали Западен Балкан е дел од големата слика? Мапирање на новата европска безбедносна архитектура“, во организација на Центарот за...