Транспарентност

Транспарентност, отвореност и достапност се принципи по кои функционира институцијата Претседател на Република Северна Македонија и Кабинетот како стручна служба за поддршка на работата на претседателот.

Кабинетот редовно информира за сите активности, тековни проекти и ставови на претседателот, а службата за комуникации е достапна за прашањата на новинарите во секое време.

Покрај редовното информирање преку конвенционалните и дигиталните медиуми, Кабинетот на претседателот е отворен за сите граѓани коишто се заинтересирани за работата на претседателот, со можноста за посета на вила „Водно“ преку програмата „Отворен кабинет“.

Преку програмата „Лице в лице со претседателот“ жителите на целата земја имаат можност да поразговараат со претседателот при неговите посети на различните населени места.