Претседателот Стево Пендаровски денеска прими претставници на Сојузот на здруженија на медицински лаборанти и санитарни техничари на Република Македонија.
На средбата, претседателот Пендаровски беше запознаен за активностите и заложбите на Сојузот на здруженија на медицински лаборанти и санитарни техничари во насока на истакнување на лабораториската дејност како важен сегмент од лабораториската дијагностика. Во тој контекст, претставниците на сојузот информираа за реализираните едукативни настани и програми кои имаат за цел да се унапреди, промовира и поткрене лабораториската пракса на повисоко ниво. Тие ги споделија впечатоците и за одржаните јубилејни 50-ти Октомвриски средби кои се реализираа со меѓународно учество, а претставуваат настан со посебна важност за лабораториските работници, како и за Априлските средби кои се одржуваат во чест на Светскиот ден на лабораторија.
Претседателот Пендаровски истакна дека придонесот на медицинските лаборанти и санитарни техничари во рамки на целокупниот здравствен систем e од суштинско значење и ја нагласи важноста на нивната работа за квалитетна и навремена грижа за пациентите.
На средбата, претставниците на Сојузот на здруженија на медицински лаборанти и санитарни техничари му врачија благодарница на Претседателот Пендаровски за неговата досегашна, континуирана поддршка.
