Presidenti Stevo Pendarovski sot i mirëpriti përfaqësuesit e Lidhjes së shoqatave të laborantëve mjekësorë dhe teknikëve sanitarë të Republikës së Maqedonisë.
Në këtë takim, Presidenti Pendarovski u njoh me aktivitetet dhe angazhimet e Lidhjes së shoqatave të laborantëve mjekësorë dhe teknikëve sanitarë në drejtim të theksimit të veprimtarisë laboratorike si një segment i rëndësishëm i diagnostikës laboratorike. Në atë kontekst, përfaqësuesit e Lidhjes e informuan mbi evenimentet dhe programet edukative të realizuara të cilat kanë për qëllim të përparojnë, promovojnë dhe ngrenë praktikën laboratorike në një nivel më të lartë. Ata i treguan përshtypjet edhe mbi jubileun 50-vjeçar të Takimeve të tetorit që realizohen me pjesëmarrje ndërkombëtare, kurse janë ngjarje me rëndësi të veçantë për punonjësit laboratorikë, si dhe për Takimet e prillit që mbahen për nder të Ditës Botërore të Laboratorit.
Presidenti Pendarovski theksoi se kontributi i laborantëve dhe teknikëve sanitarë në suazat e të gjithë sistemit shëndetësor është me rëndësi thelbësore dhe e theksoi rëndësinë e punës së tyre për kujdes cilësor dhe në kohë për pacientët.
Në këtë takim, përfaqësuesit e Lidhjes së shoqatave të laborantëve mjekësorë dhe teknikëve sanitarë i dorëzuan Presidentit Pendarovski fletë falënderimi për mbështetjen e tij të deritanishme, të vazhdueshme.
