Претседателката Гордана Сиљановска-Давкова, утре – 21 јули 2026 година, вторник, ќе ја пречека претседателката на Република Индија, Друпади Мурму која ќе престојува во дводневна официјална посета на земјава.
Индиската претседателка ќе биде пречекана со највисоки државни и воени почести на церемонија во Кабинетот на претседателот, по што ќе следи тет-а-тет средба, пленарен состанок на македонската и индиската делегација и заедничка прес-конференција на претседателките.
Предвидено е претседателката на Република Индија да положи венец на гробот на Гоце Делчев во црквата „Св. Спас“ во Скопје.
ПРОГРАМА: вторник, 21 јули 2026 година, Скопје
- 10:30 часот – Официјална церемонија на пречек со највисоки државни и воени почести,
- 10:40 часот – Тет-а-тет средба,
- 11:00 часот – Пленарен состанок на делегациите,
- 11:35 часот – Прес-конференција на претседателката Сиљановска-Давкова и претседателката Мурму,
- 12:00 часот – Положување на венец на гробот на Гоце Делчев од страна на претседателката на Република Индија, Друпади Мурму.
Ги покануваме акредитираните медиумски екипи во Вила Водно, Кабинет на Претседател во 09:45 часот.
Попладнето, на 21 јули 2026 година, вторник, со почеток во 17:00 часот ќе се одржи македонско-индиски бизнис форум, организиран од страна на Кабинетот на претседателот во соработка со Директоратот за економска дипломатија при Министерството за надворешни работи и надворешна трговија. На отворањето на бизнис форумот, на којшто ќе се обратат претседателката Сиљановска-Давкова и претседателката Мурму, ќе бидат презентирани инвестициските можности на земјава.
Ги покануваме акредитираните медиумски екипи во хотел „Хилтон“, Скопје, во 16:30 часот.
На вториот ден од официјалната посета – 22 јули 2026 година, среда, обете претседателки ќе ги посетат Спомен-куќата на Мајка Тереза и Музејот на град Скопје, кадешто ќе се обратат на церемонија на откривање на биста на Махатма Ганди.
ПРОГРАМА: среда, 22 јули 2026 година, Скопје
- 09:30 – Посета на Спомен-куќата на Мајка Тереза,
- 10:00 – Церемонија на откривање на биста на Махатма Ганди (Музеј на град Скопје).
Ги покануваме акредитираните медиумски екипи во 09:15 часот пред Спомен-куќата на Мајка Тереза и во 09:45 часот во Музејот на град Скопје.
По церемонијата во Музејот на град Скопје, претседателката Сиљановска-Давкова и претседателката Мурму ќе се упатат кон Охрид, кадешто ќе го посетат манастирскиот комплекс Свети Наум, како и манастири и цркви во Стариот град на Охрид.
Ги покануваме акредитираните медиумски екипи во 15:15 часот – (Горна Порта), Охрид.
