Претседателот Пендаровски ги додели сертификатите на учесниците на „Охрид камп за високо-технолошка извонредност“

25 јули 2023 | Соопштенија

Претседателот Стево Пендаровски вчеравечер во Вила Билјана во Охрид ги врачи сертификатите на учесниците на третото издание на „Охрид камп за високо-технолошка извонредност“ што се одржа под негово покровителство.

Целта на проектот е стекнување и размена на високотехнолошките вештини кај млади луѓе од нашата земја и од македонската дијаспора, како и поттикнување на интересот за СТЕМ едукацијата и за кариерен развој во овие области. Темата на годинашниот камп е  „Енергија – СУПЕР МОЌНОСТ “, со примарен фокус на одржливо справување со енергетските предизвици во реалниот свет користејќи Lego модели и Fable компоненти за решавање на реалните проблеми.

Годинава 25 учесници на возраст од 10-15 години имаа можност да ги надградат своите вештини за кодирање и роботика, и низ тимска работа да ги споделуваат своите идеи и стекнати искуства. Во еднонеделната наставна програма беа вклучени 12 учесници од Република Северна Македонија и 11 од дијаспората, Соединетите Американски Држави, Република Словенија, Република Кипар и Република Хрватска. Приоритет, и овој пат се даде на апликанти од социјално ранлива категорија, запазувајќи ја родовата, територијалната, рурално-урбаната застапеност и ентичката припадност.

Освен образовната компонента, кампот им овозможи на учесниците да создаваат нови контакти и пријателства, да ги истражуваат локалните природни убавини, нашето културно наследство и традиција.

Во рамки на свеченоста, споделувајќи ги впечатоците и вештините од годинашната обука учесниците имаа можност да ги презентираат реализираните проектни решенија.

Поздравувајќи го придонесот на организаторите и партнерите за успешната реализација на наставната програма, претседателот Пендаровски изрази задоволство за годинашниот зголемен број на учесници. Во таа насока ja нагласи вредноста на кампот кој континуирано им овозможува на младите да ги развиваат своите таленти и потенцијали, да ги реализираат визиите и плановите, но и да комуницираат и стекнуваат пријателства.

Програмата е организирана од Македонија 2025, а во партнерство со Амбасадата на САД во Северна Македонија, Млади Инженери, МАСИТ, Brainster, iSourse, Охридско лето, Алкалоид, Триглав осигурување, Костал, itLabs, Винчини, Бар&Брекфаст, Фруктал и други индивидуални поддржувачи од земјава и од дијаспората.

Пред почетокот на свеченоста на врачување на сертификатите, учесниците имаа можност да ја разгледаат претседателската „Вила Билјана“ и подетално да се запознаат со историјатот и нејзината намена, да ги посетат работните простории на претседателот Пендаровски, да се информираат за неговата работа, активности и надлежности.

 

Категории

Categories

Kategori

Последни вести

Latest news

Lajmet e fundit

Честитка од претседателот Пендаровски по повод Рамазан бајрам

Честитка од претседателот Пендаровски по повод Рамазан бајрам

Претседателот Стево Пендаровски, по повод големиот муслимански празник Рамазан бајрам, упати честитка до граѓаните од исламска вероисповед во Република Северна Македонија и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван...

Средба на претседателот Пендаровски со делегација на Пацифичкиот Совет од САД

Средба на претседателот Пендаровски со делегација на Пацифичкиот Совет од САД

Претседателот Стево Пендаровски денеска прими делегација од Пацифичкиот Совет од САД, која престојува во посета на нашата држава. Истакнувајќи дека Соединетите Американски Држави се наш најголем стратешки партнер и сојузник во НАТО, претседателот Пендаровски посочи...

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Претседателот Стево Пендаровски денеска го прими лорд Стјуарт Пич, специјален претставник на Обединетото Кралство за Западен Балкан. Двајцата соговорници разменија мислења за актуелните случувања во регионот на Западен Балкан, за стратешките интереси на земјава и...

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Претседателот Стево Пендаровски, денеска ја прими Џилиан Стирк, Шеф на мисијата за набљудување на претстојните избори (ЕОМ) на ОБСЕ – Канцеларија за демократски институции и човекови права (ОДИХР). На средбата претседателот Пендаровски беше запознаен со планираните...

Честитка од претседателот Пендаровски до верниците кои го прославуваат Велигден според Грегоријанскиот календар

Честитка од претседателот Пендаровски до верниците кои го прославуваат Велигден според Грегоријанскиот календар

Претседателот Стево Пендаровски, по повод големиот христијански празник Воскресение Христово – Велигден, упати честитка до д-р Киро Стојанов, Скопски бискуп и епарх струмичко-скопски, и до сите христијански верници кои го прославуваат Велигден според Грегоријанскиот...