Во рамки на Отворен Кабинет, денеска студентите од САД и Северна Македонија кои биле на размена на студии во САД, го посетија Кабинетот на претседателот.
Македонските и американските студенти кои се дел од „YES“ програмата, заедно со претставниците на Американските совети за меѓународно образование во Северна Македонија, имаа можност да се сретнат со претседателот Стево Пендаровски и да се запознаат со надлежностите и работата на претседателот.
Американските студенти го информираа претседателот Пендаровски за програмата преку која го изучуваат македонскиот јазик, за нивните импресии од посетата на земјата и за соработката со македонските студенти кои преку „YES abroad “програмата преку престој во САД го изучуваат англискиот јазик.
Претседателот Пендаровски ја поздрави посветеноста на американските студенти при изучувањето на македонскиот јазик и култура, посакувајќи им пријатен престој во земјава.
Посетителите имаа можност да го разгледаат Кабинетот, да се информираат за историјатот на објектот, да ги разгледаат просториите каде што се одржуваат средби со домашни и странски претставници, прес-конференции, предавање на акредитиви на амбасадорите и други активности кои се дел од активностите на Кабинетот на претседателот.
