Në suazat e Kabinetit të hapur, sot, studentë nga SHBA-ja dhe Maqedonia e Veriut që kanë qenë në shkëmbime studimore në SHBA e vizituan Kabinetin e Presidentit.
Studentët maqedonas dhe amerikanë që janë pjesë e programit “YES”, së bashku me përfaqësuesit e këshillave amerikanë për arsim ndërkombëtar në Maqedoninë e Veriut, patën mundësi të takohen me Presidentin Stevo Pendarovski dhe të njihen me kompetenca dhe punën e Presidentit.
Studentët amerikanë e informuan Presidentin Pendarovski për programin nëpërmjet të cilit e mësojnë gjuhën maqedonase, për përshtypjet e tyre nga vizita në vend dhe për bashkëpunimin me studentët maqedonas të cilët nëpërmjet programit “YES abroad” nëpërmjet qëndrimit në SHBA e mësojnë gjuhën angleze.
Presidenti Pendarovski i përgëzoi studentët amerikanë për përkushtimin gjatë mësimit të gjuhës maqedonase dhe kulturës, duke u uruar qëndrim të këndshëm në vend.
Vizitorët kishin mundësi ta shikojnë Kabinetin, të informohen për historinë e objektit, t’i shikojnë hapësirat ku mbahen takime me përfaqësuesit vendas dhe të huaj, konferencat për shtyp, dorëzimi i letrave kredenciale nga ambasadorët dhe aktivitetet e tjera që janë pjesë e aktiviteteve të Kabinetit të Presidentit.
