Средба на претседателот Пендаровски со португалската министерка за одбрана Марија Хелена Кареирас

12 септември 2023 | Соопштенија

Претседателот Стево Пендаровски денеска ја прими министерката за одбрана на Португалската Република, Марија Хелена Кареирас, која престојува во официјална посета на земјава.

Двајцата соговорници разговараа за билатералната соработка меѓу двете земји во областа на одбраната, за процесот на реформи во земјава со цел подобрување на воената инфраструктура и модернизација на вооружените сили, како и за заедничките активностите во рамки на НАТО, со цел јакнење на Алијансата и исполнување на заедничките цели во безбедноста и одбраната.

Претседателот Пендаровски го поздрави потпишаниот Договор за билатерална соработка во одбраната помеѓу двете земји и изрази очекување дека истиот ќе придонесе за интензивирање на македонско-португалската одбранбена соработка, соработката во доменот на безбедносната политика, мировните операции, заедничката обука и едукација.

На средбата беа разменети информации за состојбата во Украина, при што претседателот Пендаровски ја реафирмираше поддршката за територијалниот суверенитет и интегритет за Украина, како и воената, политичката и хуманитарната помош што земјава ја дава на Украина.

Во контекст на актуелните состојби поврзани со евроинтеграциите, претседателот Пендаровски се заблагодари на напорите што ги вложи португалското претседавање со Советот на Европската Унија и за севкупната поддршка од Португалија во однос на македонските евроинтеграции.

Категории

Categories

Kategori

Последни вести

Latest news

Lajmet e fundit

Претседателот Пендаровски ја посети компанијата ,,Везе Шари” и општина Пласница

Претседателот Пендаровски ја посети компанијата ,,Везе Шари” и општина Пласница

Претседателот Стево Пендаровски, во рамки на проектот „Лице в лице со Претседателот“ денеска во селото Требош, Општина Желино ја посети компанијата „Везе шари“. За време на посетата, претседателот Пендаровски беше запознаен со тековната работа на компанијата, која...

Изјава на претседателот Пендаровски на денешната прес-конференција

Изјава на претседателот Пендаровски на денешната прес-конференција

Претседателот Стево Пендаровски денеска одржа прес-конференција. Во продолжение е интегралниот текст на изјавата на претседателот Пендаровски. Почитувани медиуми, Почитувани граѓани, Благодарам за вашето присуство. Повод за...

Претседателот Пендаровски присуствуваше на завршниот настан „Иднината почнува дома“

Претседателот Пендаровски присуствуваше на завршниот настан „Иднината почнува дома“

Претседателот Стево Пендаровски вчеравечер присуствуваше на завршниот настан „Иднината почнува дома“, на којшто беа доделени признанија на триесет и двајцата номинирани личности, кои со нивната индивидуална ангажираност придонеле како двигатели на позитивни промени во...

Отворен Кабинет за претставници на Mладински клуб на Турците и ученици од ООУ „Браќа Миладиновци“

Отворен Кабинет за претставници на Mладински клуб на Турците и ученици од ООУ „Браќа Миладиновци“

Кабинетот на претседателот, денеска го посетија претставници на Mладински клуб на Турците и ученици од ООУ „Браќа Миладиновци“ од Аеродром, Скопје, во рамки на активноста Отворен Кабинет. [gallery...

Обраќање на сопругата на претседателот на панел дискусија по повод Денот на ретките болести

Обраќање на сопругата на претседателот на панел дискусија по повод Денот на ретките болести

  Сопругата на претседателот Елизабета Ѓоргиевска присуствуваше и се обрати на панел дискусија посветена на Денот на ретките болести во организација на Националната алијанса за ретки болести на Македонија – НАБРМ.   [gallery...