Presidenti Stevo Pendarovski sot e mirëpriti ministren e Mbrojtjes të Republikës së Portugalisë, Maria Helena Kareiras, e cila po qëndron në vizitë zyrtare në vend.
Dy bashkëfolësit biseduan mbi bashkëpunimin bilateral midis dy vendeve në fushën e mbrojtjes, mbi procesin e reformave n vend me qëllim të përmirësimit të infrastrukturës ushtarake dhe modernizimit të forcave të armatosura, si dhe mbi aktivitetet e përbashkëta në suazat e NATO-s, me qëllim të përforcimit të Aleancës dhe përmbushjes së qëllimeve të përbashkëta në siguri dhe mbrojtje.
Presidenti Pendarovski e përshëndeti Marrëveshjen e bashkëpunimit bilateral në mbrojtje të nënshkruar midis dy vendeve dhe shprehu pritjen se ajo do të kontribuojë në intensifikimin e bashkëpunimit maqedonas-portugez në mbrojtje, bashkëpunimin në fushën e politikës së sigurisë, operacioneve paqësore, stërvitjen dhe edukimin e përbashkët.
Në këtë takim u shkëmbyen edhe informacione mbi gjendjen në Ukrainë, ku Presidenti Pendarovski e riafirmoi mbështetjen integritetin dhe sovranitetin territorial për Ukrainën, si dhe për ndihmën ushtarake, politike dhe humanitare që ia jep vendi Ukrainës.
Në kontekst të gjendjeve aktuale u bisedua edhe mbi eurointegrimet, Presidenti Pendarovski e falënderoi për përpjekjet e bëra nga kryesimi portugez me Këshillin e Bashkimit Evropian dhe për mbështetjen e tërësishme të Portugalisë në raport me eurointegrimet maqedonase.
