Ѓоргиевска: Мора да ја негуваме грижата за менталното здравје и да го превенираме синдромот на „Burn out“

13 мај 2022 | Соопштенија

Сопругата на претседателот на Република Северна Македонија, Елизабета Ѓоргиевска учествуваше на работилницата на тема „Синдром на прегореност“ (Burn out syndrome), посветена на грижата за менталното здравје.

Целта на работилницата е подигање на свеста за менталното здравје кај младите лица, со цел полесно да се справат со предизвиците со кои се соочуваат и ќе се соочат во иднина.

Во своето обраќање Ѓоргиевска посочи дека иако месец мај е поводот за оваа работилница, вистинската причина е пандемијата која имаше огромно влијание не само на физичкото здравје, но и на психолошката и емоционалната состојба кај луѓето, предизвикувајќи стрес и анксиозност.

„Бројот на луѓе кои страдаат драстично порасна за време на пандемијата. Хроничниот стрес, изолацијата и анксиозноста водат до ментална, емотивна и физичка исцрпеност. Пандемијата предизвика индивидуални и колективни трауми, поради социјалната изолација, чувството на страв од зараза, анксиозност поради неизвесната иднина, како и емоционални шокови, тагата и болката поради загубата на блиски луѓе“, рече Ѓоргиевска.

„Често пати се вели во здраво тело – здрав дух. Но и здравиот дух мора да го негуваме, а синдромот на „Burn out“ да го превенираме.  Секогаш сметам дека превенцијата е клучна и доколку сме во можност најдобро е да ги спречиме негативните појави, истакна Ѓоргиевска додавајќи дека доколку навремено и соодветно не се адресираат овие состојби можат да имаат долгорочни негативни влијанија.

Сопругата на претседателот изрази уверување дека овие работилници, бесплатните сесии со психолози, стручните прирачници и интерактивните мапи, ќе ја променат перцепцијата во македонското општество, ќе помогнат кон отстранување на стигмата поврзана со менталното здравје и ќе им помогнат на луѓето да добијат добри и практични совети за ментална хигиена како основа за нивната добросостојба.

Ова е една од четирите работилницата кои по повод месец мај, посветен на менталното здравје, се организираат од страна на Националниот младинскиот совет на Македонија, со поддршка на Канцеларијата на претседателот на Република Северна Македонија „Млади Хаб“. Во работилницата учествуваат млади на возраст од 15 до 29 години.

 

 

 

Категории

Categories

Kategori

Последни вести

Latest news

Lajmet e fundit

Учество на претседателот Пендаровски на партнерската сесија на Северноатлантскиот совет

Учество на претседателот Пендаровски на партнерската сесија на Северноатлантскиот совет

Претседателот Пендаровски во рамки на Самитот на НАТО во Мадрид, учествуваше и се обрати на втората сесија на состанокот на Северноатлантскиот Совет на ниво на шефови на држави и влади, посветена на партнерствата на НАТО со држави и организации на глобално ниво....

Средба на претседателот Пендаровски со германскиот канцелар Шолц

Средба на претседателот Пендаровски со германскиот канцелар Шолц

Претседателот Стево Пендаровски денеска во рамки на неговото учество на Самитот на НАТО, што се одржува во Мадрид, оствари средба со Канцеларот на Сојузна Република Германија, Олаф Шолц. На средбата се разговараше за билатералната...

Учество на претседателот Пендаровски на состанокот на Северноатлантскиот Совет на Самитот во Мадрид

Учество на претседателот Пендаровски на состанокот на Северноатлантскиот Совет на Самитот во Мадрид

Претседателот Стево Пендаровски во рамки на Самитот на НАТО во Мадрид, учествуваше и се обрати на првата сесија на состанокот на Северноатлантскиот Совет, кој се одржува на ниво на шефови и на држави и Влади и со кој претседава генералниот секретар на НАТО, Јенс...

Започна Самитот на НАТО во Мадрид – изјава на претседателот Пендаровски

Започна Самитот на НАТО во Мадрид – изјава на претседателот Пендаровски

Денеска во Мадрид официјално започна Самитот на НАТО, на кој учествува претседателот Стево Пендаровски и ја предводи делегацијата на Република Северна Македонија. На свечениот пречек, шефовите на делегациите...

Учество на претседателот Стево Пендаровски на Самитот на НАТО во Мадрид

Учество на претседателот Стево Пендаровски на Самитот на НАТО во Мадрид

Претседателот Стево Пендаровски на 28, 29 и 30 јуни 2022 година ќе учествува и ќе ја предводи делегацијата на Република Северна Македонија на Самитот на НАТО Алијансата, што се одржува во Мадрид, Кралството Шпанија. Во состав на државната делегација се министерката за...