Промовирана Рамката за развој „МКД2030“ како иницијатива на претседателот Пендаровски

20 декември 2021 | Соопштенија

Претседателот Стево Пендаровски денеска се обрати на промоцијата на Рамката за развој „МКД2030“, што претставува стратешки документ кој се изготвува на негова иницијатива.

Како долгорочна визија за развојот и иднината на земјата, „МКД2030“ ги утврдува политиките, кои треба да се постигнат до следната деценија и областите во кои треба да се фокусира државата со цел напредок и подобар живот на граѓаните.

Рамката за развој „МКД2030“ е автентичен документ изработен преку консултативен процес со бизнис секторот, граѓанските организации, академска заедница и истакнати професионалци од повеќе области.

Приоритетите што ќе произлезат од „МКД2030“ ќе бидат референтната точка, според која ќе се калибрира Националната развојна стратегија 2021-2041 која како следна фаза треба да се надоврзе на „МКД2030“.

„Наша задача е да ги препознаеме виталните приоритети без кои развојот би бил невозможен, и да се вложиме во нивнa реализација. „МКД2030“ е потребно да биде остварлива. Како држава располагаме со ограничени човечки и финансиски ресурси и не треба да губиме време на прашања кои ги надминуваат нашите способности и ресурси“, потенцираше претседателот Пендаровски.

„Верувам дека реалната состојба ни е позната на сите – иселувањето на младите продолжува, пасивност на електоратот, ниска доверба во институциите, длабока поделба во општеството по повеќе основи и зголемена нееднаквост во примањата“, посочи претседателот во обраќањето.

Од овие причини, истакна претседателот, потребно е преосмислување на постулатите на нашиот економски и социјален развој и споделена визија за разојот на државата, поткрепена со национален консензус и координирани политики согласно реалните потреби и очекувања на граѓаните.

„Таквите политики мора да се остваруваат на ефикасен начин без непотребно трошење на ограничените ресурси. Затоа, уште на почетокот на мојот мандат го иницирав проектот „МКД2030“ како стратешка рамка за развој на Северна Македонија до крајот на оваа деценија. Документот ќе содржи проценка на силните страни во ресурси и човечки капитал и ќе ги утврди слабостите каде се потребни повеќе ресурси, труд и вложување“, истакна претседателот Пендаровски.

„МКД2030“ се фокусира на дигитализација, децентрализација и демократизација, преку еколошки, економски, аграрни и здравствени политики, па се до образование и наука и борба против иселувањето на младите од земјава. Со документот ќе бидат опфатени и приоритети кои не се засебни, а се однесуваат на повеќе сектори, како што се изградба на ефикасна јавна администрација, создавање еднакви можности и борба против корупцијата.

Претседателот Пендаровски се заблагодари на сите кои дадоа придонес во изработката на стрaтегијата, која треба да биде финализирана во средината на 2022 година.

Категории

Categories

Kategori

Последни вести

Latest news

Lajmet e fundit

Ѓоргиевска: Со поврзување на жените и девојките научнички во општеството, политиката и науката, до синергија и нивна поголема застапеност

Ѓоргиевска: Со поврзување на жените и девојките научнички во општеството, политиката и науката, до синергија и нивна поголема застапеност

На иницијатива на сопругата на претседателот, Елизабета Ѓоргиевска, а по повод Меѓународниот ден на жените и девојките научнички, денеска се одржа панел дискусија во просториите на Центарот за трансфер на технологии и иновации – ИНОФЕИТ во рамки на Факултетот за...

Средба на претседателот Пендаровски со Јан Липавски, министер за надворешни работи на Чешката Република

Средба на претседателот Пендаровски со Јан Липавски, министер за надворешни работи на Чешката Република

Претседателот Стево Пендаровски денеска го прими Јан Липавски, министер за надворешни работи на Чешката Република, кој престојува во посета на Република Северна Македонија. На средбата беа разменети мислења за севкупните односи...

Претседателот Пендаровски го прими Стефан Дион, специјален пратеник на Канада за ЕУ и Европа

Претседателот Пендаровски го прими Стефан Дион, специјален пратеник на Канада за ЕУ и Европа

Претседателот Стево Пендаровски денеска го прими Стефан Дион, специјалниот пратеник на Канада за Европската Унија и Европа. На средбата беа потврдени пријателството и добрите билатерални врски меѓу Северна Македонија и Канада. ...

Претседателот Пендаровски и претседателката Новак во посета на МладиХаб

Претседателот Пендаровски и претседателката Новак во посета на МладиХаб

Претседателот Стево Пендаровски и претседателката на Унгарија, Каталин Новак, којашто престојува во официјална посета на Република Северна Македонија, ја посетија канцеларијата на Претседателот МладиХаб, каде остварија средба со претставници на Здружението на студенти...

Сопругата на претседателот учествуваше на панел дискусијата “Пристап до третман и до услуги за рано детектирање”

Сопругата на претседателот учествуваше на панел дискусијата “Пристап до третман и до услуги за рано детектирање”

Сопругата на претседателот, Елизабета Ѓоргиевска, учествуваше на панел дискусијата "Пристап до третман и до услуги за рано детектирање" по повод одбележувањето на 4-ти февруари, Светски ден на борба против ракот, што се одржа во Europe House, Скопје. Панел дискусијата...