Претседателката Гордана Сиљановска-Давкова оствари средба со Ровшан Мурадов, генерален секретар на Меѓународниот центар „Низами Ганџави“, со седиште во Баку, Азејбејџан.
Генералниот секретар ја запозна претседателката со тековните и со планираните активности на Центарот, посветени на поттикнување дијалог, толеранција, меѓусебно разбирање и глобална соработка.
Посетата на државите од Западен Балкан е во функција на организацијата на конференцијата во Словенија, на којашто ќе учествуваат поранешни претседатели од државите на Западен Балкан.
Разговорот, најмногу се фокусираше на Глобалниот форум во Баку, како една од водечките меѓународни платформи за размена на ставови и мислења меѓу носители на високи политички функции, експерти, членови на академската заедница и граѓанскиот сектор.
Господинот Мурадов ѝ врачи покана за учество на претстојниот форум.
Тема на разговорот беа и актуелните глобални предизвици и потребата од засилена мултилатерална соработка заради нивно надминување. Исто така, генералниот секретар ја запозна претседателката со неформалните активности врзани за избор на нов генерален секретар на ООН.
Претседателката Сиљановска-Давкова ја реафирмираше својата позиција и заложба оваа функција да и припадне на жена.
