Претседателот Стево Пендаровски, утре – 13 јуни 2023 година, вторник, ќе биде домаќин на претседателката на Република Словенија, Наташа Пирц Мусар, која ќе престојува во официјална посета на Република Северна Македонија.
Претседателката Пирц Мусар ќе биде пречекана со највисоки државни и воени почести на официјална церемонија во Кабинетот на претседателот, по што ќе следува тет-а-тет средба на претседателите Пендаровски и Пирц Мусар и пленарен состанок на делегациите на Северна Македонија и Словенија.
Во рамки на посетата, во црквата „Св. Спас“ во Скопје двајцата претседатели ќе положат венци на гробот на Гоце Делчев.
ПРОГРАМА: вторник, 13 јуни 2023 година
- 10:00 часот – Официјална церемонија на пречек со највисоки државни и воени почести
- 10:15 часот – Тет-а-тет средба
- 10:30 часот – Пленарен состанок на делегациите
- 11:20 часот – Заедничка прес-конференција на претседателот Пендаровски и претседателката Пирц Мусар.
Ги покануваме акредитираните медиумски екипи во Кабинетот на претседателот во 09:00 часот.
Официјалната церемонија на пречек и заедничката прес-конференција се отворени за сите акредитирани медиуми, а ќе бидат пренесувани во живо и на дигиталните платформи на претседателот Пендаровски (Фејсбук и Јутјуб).
- 12:00 часот (црква „Св. Спас“) – Полагање на венци на гробот на Гоце Делчев.
Ги покануваме акредитираните сниматели и фоторепортери во црквата „Св. Спас“ во 11:40 часот.
За време на официјалната посета, словенечката претседателка Наташа Пирц Мусар ќе оствари средби и со претседателот на Собранието, Талат Џафери, претседателот на Владата, Димитар Ковачевски и ќе се обрати на свечена седница во Собранието на Република Северна Македонија.
За сите дополнителни прашања и информации, претставниците на медиумите може да се обратат на Билјана Радева +389 76 45 55 45 [email protected]
