Presidenti Stevo Pendarovski, nesër, më 13 qershor 2023, të martë, do të mirëpresë Presidenten e Republikës së Sllovenisë, Natasha Pirc Musar, e cila do të qëndrojë në vizitë zyrtare në Republikën e Maqedonisë së Veriut.
Presidentja Pirc Musar do të mirëpritet me nderimet më të larta shtetërore dhe ushtarake në ceremoni zyrtare në Kabinetin e Presidentit, pas së cilës do të vijojë takimi tet-a-tet i presidentëve Pendarovski dhe Pirc Musar dhe takimi plenar i delegacioneve të Maqedonisë së Veriut dhe Sllovenisë.
Në suazat e kësaj vizite, në kishën “Shën. Spas” në Shkup, dy presidentët do të vendosin kurora pranë varrit të Goce Dellçevit.
PROGRAMI: e martë, 13 qershor 2023
- ora 10:00 – Ceremonia zyrtare e pritjes me nderimet më të larta shtetërore dhe ushtarake
- ora 10:15 – Takimi tet-a-tet
- ora 10:30 – Takimi plenar i delegacioneve
- ora 11:20 – Konferenca e përbashkët për shtyp e Presidentit Pendarovski dhe Presidentes Pirc Musar.
I ftojmë ekipet e akredituara të mediave në Kabinetin e Presidentit në orën 09:00.
Ceremonia zyrtare e pritjes dhe konferenca e përbashkët për shtyp janë të hapura për të gjitha mediat e akredituara, kurse do të jepen drejtpërdrejt edhe në platformat digjitale të Presidentit Pendarovski (Fejsbuk dhe Jutjub).
- ora 12:00 (kisha “Shën. Spas”) – Vendosja e kurorave pranë varrit të Goce Dellçevit.
I ftojmë kameramanët dhe fotoreporterët e akredituar në kishën “Shën. Spas” në orën 11.40.
Gjatë vizitës zyrtare, Presidentja sllovene Natasha Pirc Musar do të takohet edhe me Kryetarin e Kuvendit, Talat Xhaferin, Kryeministrin e Qeverisë, Dimitar Kovaçevskin dhe do të mbajë fjalim në seancën solemne në Kuvendin e Republikës së Maqedonisë së Veriut.
Për të gjitha pyetjet dhe informacionet shtesë, përfaqësuesit e mediave mund t’i drejtohen Biljana Radevës +389 76 45 55 45 [email protected]
