Сочувство од претседателот Пендаровски по повод смртта на Нејзиното Величество, Кралицата Елизабета II

9 септември 2022 | Соопштенија

Претседателот Стево Пендаровски по повод смртта на Нејзиното Величество, Кралицата Елизабета II, упати писмо со сочувство до Неговото Величество Чарлс III Крал на Обединетото Кралство на Велика Британија и Северна Ирска.

Ваше Величество,

Во овие тешки мигови, во име на граѓаните на Република Северна Македонија и во мое лично име, дозволете ми да изразам најдлабоко сочувство по повод смртта на Нејзиното Величество, Кралицата Елизабета II.

Кралицата посветено и неуморно ја извршуваше својата служба, покажувајќи лидерство дури и во најтешките мигови. Во седумте децении на нејзиното владеење, пораснаа и се развиваа генерации за кои Кралицата беше и остана симбол на лидер кој води преку емпатија, со визија, секогаш подготвена за приспособување на монархијата кон новата динамика на глобалните текови, останувајќи секогаш фокусирана да ја води и претставува својата држава во секој дел на светот.

За време на владеењето на Кралицата, имавме одличен развој на македонско-британските односи, кои се развиваа преку политичките, економските, културните и образовните врски, а поддршката која доаѓаше од Кралицата, преку Владата и членовите на кралското семејство кои работеа во нејзино име, беа огромна помош за позитивно движење на процесите.

Доживотната определба на Нејзиното Величество да му служи на својот народ во Обединетото Кралство и Комонвелтот е пример за јавна служба која ќе остане инспирација за идните генерации.

Во овие тешки мигови, Ваше Величество, примете ги изразите на моето највисоко почитување, со желби за добро здравје.

 

Категории

Categories

Kategori

Последни вести

Latest news

Lajmet e fundit

Интервју на претседателот Пендаровски за „Топ тема“ на телевизија Телма

Интервју на претседателот Пендаровски за „Топ тема“ на телевизија Телма

Претседателот Стево Пендаровски, во интервју за „Топ тема“ на телевизија Телма говори за актуелната енергетска криза, напорите за обезбедување на стабилно снабдување со енергенси и неодамнешната работа посета на Република Бугарија, во тој контекст. Во интервјуто...

Средба на претседателот Пендаровски со претставници на Здружението Клуб на генерали

Средба на претседателот Пендаровски со претставници на Здружението Клуб на генерали

Претседателот Стево Пендаровски денеска прими делегација на Здружението Клуб на генерали – Скопје. На средбата се разговараше за тековните активности на здружението, како и за идните планови. Упатувајќи честитки по повод 10 годишнината од постоењето, претседателот...

Заедничка изјава на претседателите на НАТО земји-членки од Централна и Источна Европа во врска со одлуката на Русија за нелегално анектирање на украински територии

Заедничка изјава на претседателите на НАТО земји-членки од Централна и Источна Европа во врска со одлуката на Русија за нелегално анектирање на украински територии

Ние, претседателите од Централна и Источна Европа, од земји чиишто лидери го посетуваа Киев за време на војната и лично беа сведоци на последиците од руската агресија, не можеме да молчиме пред фрапантното прекршување на меѓународното право од страна на Руската...

Сопругата на претседателот, Елизабета Ѓоргиевска во посета на прилепскиот регион

Сопругата на претседателот, Елизабета Ѓоргиевска во посета на прилепскиот регион

Сопругата на претседателот Елизабета Ѓоргиевска при денешната посета на прилепскиот регион го посети ООУ "Кочо Рацин" во Прилеп, кадешто наставничкиот кадар ја запозна со тековните активности за учениците и работата на училиштето во чиј рамки функционира и детска...

Средба на претседателот Пендаровски со бугарскиот претседател Радев

Средба на претседателот Пендаровски со бугарскиот претседател Радев

Претседателот Стево Пендаровски денеска во Софија оствари средба со претседателот на Република Бугарија, Румен Радев. На средбата беше разговарано за можностите за натамошно унапредување на политичките и економските односи меѓу...