Претседателката Гордана Сиљановска-Давкова оствари средба со Вељко Кајтази, претставник на 12 национални малцинства во Хрватскиот сабор и делегација на Сојузот на Ромите од Хрватска „Кали Сара“, предводена од претседателката Сузана Крчмар.
Претседателката Гордана Сиљановска-Давкова оствари средба со Вељко Кајтази, претставник на 12 национални малцинства во Хрватскиот сабор и делегација на Сојузот на Ромите од Хрватска „Кали Сара“, предводена од претседателката Сузана Крчмар.
Во фокусот на средбата беше положбата на Ромите, потреба од унапредување на нивните права и можностите за споделување добри практики.
Сиљановска-Давкова посочи дека Ромите се важен дел од македонското општество и значаен фактор на неговиот културен и демократски развој.
Соговорниците разговараа за предизвиците со коишто се соочуваат Ромите, особено во образованието, вработувањето и борбата против дискриминацијата. Претседателката укажа дека овие прашања бараат континуирана посветеност и заедничко дејствување на институциите, граѓанскиот сектор и претставниците ромската заедница.
Taa ја поздрави работата на Вељко Кајтази и „Кали Сара“ во афирмацијата на ромскиот јазик, културата и историјата, како и нивниот придонес во меѓународното признавање на 5-ти Ноември како Светски ден на ромскиот јазик.
Според неа, ромскиот јазик е важен дел од културниот идентитет на ромскиот народ и од особено значење е неговото зачувување и пренесување на младите генерации.
Гостите ги посочија исклучителните заслуги на г-дин Вељко Кајтази за заштита и унапредувањето на ромските права. Како еден од приоритетите го издвоија образованието на ромски јазик, како и потребата од поголема видливост на Ромите и нивен политички ангажман на сите нивоа.
„Ако Ромите не се бават со политика, тогаш таа без нив и несоодветно ќе се бави со нив“ – порача Сиљановска-Давкова, охрабрувајќи ги младите Роми да се вклучат во политиката.
На крајот, претседателката истакна дека размената на добри практики може да придонесе за поуспешни регионални политики за Ромите
