Заедничка иницијатива за климатска акција – искуства од 28. Самит за климатски промени

21 февруари 2024 | Соопштенија

Претседателот Стево Пендаровски денеска ја посети лабораторијата за мерење на квалитетот на воздухот во рамки на Универзитетот „Гоце Делчев“ во Штип и учествуваше во дискусијата „Заедничка иницијатива за климатска акција  – искуства од  28. Самит за климатски промени“, организирана во соработка со Програмата за развој на Обединетите нации (УНДП) во канцеларијата на „Млади хаб“ во Штип.

Претседателот Пендаровски од страна на ректорот на Универзитетот д-р Дејан Мираковски и наставно-научниот кадар, беше запознаен со функционирањето на лабораторијата за мерење на квалитетот на воздухот и нејзината главна цел да се добијат информации за изворите и количеството на загадување на амбиенталниот воздух, како суштинска алатка во натамошното дизајнирање на политиките за квалитет на воздухот.

Во дискусијата во „Млади хаб“ учествуваа претставници од граѓанските организации кои се бават со заштита на животната средина, а свои обраќања имаа претседателот Пендаровски и постојаниот претставник на УНДП во земјава, Армен Григорјан.

По дискусијата која се одржа во пресрет на 28. Самит за климатски промени, ова е втор тематски настан во соработка со УНДП, посветен на климатската агенда, со цел зголемена свесност за климатските промени и охрабрување и поттикнување на младите да се вклучат во климатските активности со цел промени во политиките и одржливи практики во нивните заедници.

Осврнувајќи се на заклучоците од 28. Самит за климатски промени, претседателот Пендаровски ги претстави ставовите со кои македонската делегација настапи на самитот, како и улогата на државите во поттикнувањето на меѓународната соработка и унапредувањето на колективните напори за справување со климатските промени.

Тој посочи дека наша цел е да ги намалиме за 82% нето емисиите на стакленички гасови до 2030 година во споредба со нивоата од 1990 година и постепено да го исфрлиме јагленот без да се загрози енергетската безбедност на земјата и егзистенцијата на заедниците, особено во рударските подрачја. Во овој контекст, тој истакна дека и покрај енергетската криза, решени сме да ја постигнеме оваа цел до крајот на деценијата, додавајќи дека Северна Македонија беше првата европска пилот земја избрана за програмата за забрзана транзиција на јаглен од страна на Фондот за климатски инвестиции.

Претседателот истакна дека на КОП28, Северна Македонија заедно со ЕБОР ја претстави Инвестициската платформа за правична енергетска транзиција, што треба да ни помогне да ги мобилизираме потребните средства за да се префрлиме на обновливи извори, да ги забрзаме инвестициите во мрежата и да создадеме висококвалитетни зелени работни места за рударските заедници. Тој додаде дека оваа платформа е важна за усогласување со Глобалната заложба за обновливи извори на енергија и енергетска ефикасност на Европската Унија.

Постојаниот претставник на УНДП во земјава, Армен Григорјан изјави дека УНДП продолжува да игра клучна улога во помагањето на нациите во борбата против климатските промени и да ги преточи резолуциите на 28-та Конференција за климатски промени, во акција. „Нашата посветеност на младинскиот ангажман останува непоколеблива, на пример преку иницијативата „Климатско ветување“. Неодамнешниот развој на Националната стратегија за млади 2023-2027, со придонес во дискусијата од над 1000 млади, ја нагласува нашата посветеност на засилување на младинските перспективи и приоритети, особено во однос на заштитата на животната средина“, истакна Григорјан.

Од страна на активисти од Штип и претставници на Сојузот на извидници, „Гоу грин“,  Македонско здружение на млади правници, „Флорозон“ и Национален младински совет, беа презентирани нивните перспективи и размислувања за унапредување на климатската агенда во земјата.

Категории

Categories

Kategori

Последни вести

Latest news

Lajmet e fundit

Честитка од претседателот Пендаровски по повод Рамазан бајрам

Честитка од претседателот Пендаровски по повод Рамазан бајрам

Претседателот Стево Пендаровски, по повод големиот муслимански празник Рамазан бајрам, упати честитка до граѓаните од исламска вероисповед во Република Северна Македонија и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван...

Средба на претседателот Пендаровски со делегација на Пацифичкиот Совет од САД

Средба на претседателот Пендаровски со делегација на Пацифичкиот Совет од САД

Претседателот Стево Пендаровски денеска прими делегација од Пацифичкиот Совет од САД, која престојува во посета на нашата држава. Истакнувајќи дека Соединетите Американски Држави се наш најголем стратешки партнер и сојузник во НАТО, претседателот Пендаровски посочи...

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Претседателот Стево Пендаровски денеска го прими лорд Стјуарт Пич, специјален претставник на Обединетото Кралство за Западен Балкан. Двајцата соговорници разменија мислења за актуелните случувања во регионот на Западен Балкан, за стратешките интереси на земјава и...

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Претседателот Стево Пендаровски, денеска ја прими Џилиан Стирк, Шеф на мисијата за набљудување на претстојните избори (ЕОМ) на ОБСЕ – Канцеларија за демократски институции и човекови права (ОДИХР). На средбата претседателот Пендаровски беше запознаен со планираните...

Честитка од претседателот Пендаровски до верниците кои го прославуваат Велигден според Грегоријанскиот календар

Честитка од претседателот Пендаровски до верниците кои го прославуваат Велигден според Грегоријанскиот календар

Претседателот Стево Пендаровски, по повод големиот христијански празник Воскресение Христово – Велигден, упати честитка до д-р Киро Стојанов, Скопски бискуп и епарх струмичко-скопски, и до сите христијански верници кои го прославуваат Велигден според Грегоријанскиот...