Со цел да креираме политики кои ќе бидат долгорочни, одржливи и консензуално поддржани, а во насока на транспарентност на процесот за изработка на Рамката за развој МКД2030, граѓаните и сите заинтересирани чинители во општеството имаат можност да достават свои предлози, ставови и мислења со директно испраќање преку интернет страницата www.mkd2030.mk посветена на Рамката за развој МКД2030.
Интернет страницата www.mkd2030.mk е со цел информирање и запознавање на пошироката јавност со МКД 2030, како Рамка за развој на Република Северна Македонија и стратешки документ кој се изготвува на иницијатива на претседателот Стево Пендаровски.
Интернет страницата ги сублимира информациите и активностите поврзани со МКД2030, што претставува овој документ и која е неговата цел, како се изработува и кој учествува во неговата подготовка.
Преку овој отворен процес на консултации настојуваме да создадеме конкретни и конструктивни решенија, коишто ќе претставуваат реален интерес за граѓаните и ќе придонесат за развој на државата и општеството.
Вклучете се преку www.mkd2030.mk