Кабинетот на претседателот, денеска го посетија претставници на Mладински клуб на Турците и ученици од ООУ „Браќа Миладиновци“ од Аеродром, Скопје, во рамки на активноста Отворен Кабинет.
Претставниците на Mладински клуб на Турците се сретнаа со претседателот Пендаровски и поразговараа за неговите работни активности, за актуелните состојби и перспективите на младите, а информираа и за нивните тековни проекти.
Учениците, првоодделенци од ООУ „Браќа Миладиновци, имаа можност да се запознаат со претседателот Пендаровски и да ги споделат нивните желби и омилени училишни предмети.
За време на престојот во Кабинетот, посетителите беа запознаeни со историјатот на објектот во којшто е сместен Кабинетот и со начинот на функционирање на институцијата. Имаа можност и да присуствуваат во просториите во коишто се одвиваат официјалните и работните средби, како и салите во коишто се реализираат состаноци, свечености, настани и прес-конференции. Во Мозаик салата ги разгледаа „Македонија – светла земја“ и „Македонија земјата памети“, на еден од најзначајните македонски уметници академик Глигор Чемерски.
Отворен Кабинет овозможува посети на Кабинетот и непосредни средби со претседателот Пендаровски. Институцијата досега ја посетиле граѓани од различни возрасти, професии и занимања, студенти, ученици од основни и средни училишта, како и голем број организации и институции од земјава и од странство.