Сопругата на претседателот, Елизабета Ѓоргиевска ги прими претставниците на Фондот за население на Обединетите Нации, Aртур Ерен, директор на Одделот за политики и стратегии , Џон Кенеди Мосоти, претставник за Босна и Херцеговина и директор за Србија, Северна Македонија и Косово, Афродита Шаља, шефица на канцеларијата во Северна Македонија и Стефанија Лета, регионален деск специјалист.
На средбата се разговараше за досегашната одлична соработка на сопругата на претседателот, Елизабета Ѓоргиевска и Кабинетот на претседателот со Фондот за население на Обединетите Нации при што беа разгледани и приоритетните области на коишто се насочени активностите во регионот и во нашата земја. Притоа, стана збор и за можните модалитети за идна соработка на теми и прашања кои се значајни за подигање на јавната свест со цел постигнување на ефективни решенија за нивно решавање.
Соговорниците констатираа дека телесната автономија, малолетничките бракови, како и родово-базираното насилство се теми кои постојат во секое општество вклучително и во нашата земја и во таа насока треба да се посвети повеќе внимание.
