Сиљановска-Давкова ги прими акредитивните писма на новоименуваната амбасадорка на Бангладеш

7 јули 2025 | Соопштенија

Претседателката Гордана Сиљановска-Давкова ги прими акредитивните писма на амбасадорката на Народна Република Бангладеш, со седиште во Букурешт, Шахназ Гази.

Сиљановска-Давкова очекува проширување, јакнеење и продлабочување на меѓусебната соработка. Таа укажа на потребата од зголемување на економската и трговска размена, како и намалување на хроничниот дефицит на македонска страна.

Претседателката, исто така, упати на поголема соработка меѓу стопанските комори во Скопје и во Дака, како и на потребата од креирање правна рамка за регулирање на соработката.

Амбасадорката Гази ја релативизираше  географската оддалеченост, истакнувајќи ја важноста на почитувањето на суверенитетот, соживот во мултикултурниот амбиент и силната верба во мултилатерализмот во меѓународните односи.

Таа високо ја цени македонската посветеност на мирот, како и нашата проактивна улога во поттикнувањето соработка и стабилност на Балканот, поздравувајќи го ангажманот во НАТО и посакувајќи ни членство во ЕУ.

Сиљановска-Давкова изрази увереност дека со своето богато дипломатско искуство, амбасадорката Гази, ќе даде значаен придонес во интензивирање на соработката, посакувајќи и успешен мандат и ветувајќи нејзина целосна поддршка.

Категории

Categories

Kategori

Последни вести

Latest news

Lajmet e fundit

Повик за акредитирање на медиуми – Состанок на лидерите од Процесот Брдо-Бриони, 27 ноември 2026 година, Охрид

Повик за акредитирање на медиуми – Состанок на лидерите од Процесот Брдо-Бриони, 27 ноември 2026 година, Охрид

На 27 ноември 2026 година (петок), во хотелот „Инекс Олгица“ во Охрид, ќе се одржи состанок на лидерите на земјите учеснички во Процесот Брдо-Бриони, во организација на претседателката д-р Гордана Сиљановска-Давкова, заедно со претседателката на Република Словенија,...

Сиљановска-Давкова: Уставот е закон над законите и најважниот општествен договор на граѓаните, за каков пишува Русо

Сиљановска-Давкова: Уставот е закон над законите и најважниот општествен договор на граѓаните, за каков пишува Русо

Претседателката Гордана Сиљановска-Давкова се обрати и учествуваше на панел-дискусијата на настанот по повод 35-годишнината од осамостојувањето и донесувањето на првиот Устав, во организација на Собранието, ЈНУ Институт за национална историја и Државен архив. [gallery...

Сиљановска-Давкова: Без слободни и одговорни медиуми нема информиран демос, а без активни граѓани – нема демократија

Сиљановска-Давкова: Без слободни и одговорни медиуми нема информиран демос, а без активни граѓани – нема демократија

Претседателката Гордана Сиљановска-Давкова имаше воведно обраќање на 20. Форум на медиумите од Југоисточна Европа (SEEMF), што вчера се одржа во Скопје, на тема „Поблиски во регионот, посилни во Европа: Улогата на комуникациите и медиумите во зајакнувањето на имиџот,...

Сиљановска-Давкова на Самитот на ЕПЗ во Даблин: Европа не треба да си дозволи да остане недоволно поврзана со Западен Балкан

Сиљановска-Давкова на Самитот на ЕПЗ во Даблин: Европа не треба да си дозволи да остане недоволно поврзана со Западен Балкан

Претседателката Гордана Сиљановска-Давкова, денеска заедно со 50 шефови на европски држави и влади, учествуваше на Самитот на Европската политичка заедница во Даблин, чија централна тема е „Европа: силна, безбедна и поврзана“. Сиљановска-Давкова се обрати на панел...

Сиљановска-Давкова ќе учествува на деветтиот состанок на Европската политичка заедница во Даблин

Сиљановска-Давкова ќе учествува на деветтиот состанок на Европската политичка заедница во Даблин

Претседателката Гордана Сиљановска-Давкова, денеска, 12 ноември 2026 година, четврток, ќе учествува на деветтиот состанок на Европската политичка заедница во Даблин, Ирска. На настанот, што се одржува во рамки на ирското претседателство со Советот на Европската Унија,...