Presidentja Gordana Siljanovska Davkova ua uroi qytetarëve 13 Tetorin – Ditën e e Çlirimit të Shkupit.
“Me krenari dhe respekt të thellë i kremtojmë tetëdhjetëvjetorin e Çlirimit të Shkupit – ngjarje që mbetet e gdhendur në kujtesën e përjetshme të historisë sonë.
Vepra e atyre të cilët e dhuruan rininë e vet, jetën e vet dhe idealet e veta për lirinë e kryeqytetit tonë janë një bazë e palëkundshme e të tashmes sonë, rikujtues i përhershëm për obligimin tonë që ta ruajmë dhe ta ngremë lartë atë që e krijuan ata. Si bijë partizani, e rritur në këtë qytet, e ndiej atë histori si të veten.
Shkupi – qyteti i bukur, dëshmon për kulturën që është rritur dhe është formësuar nëpër vite, për arsimin, që mbetet premtimi ynë për brezat e ardhshëm, për shkencën dhe artin, të cilët e mbushin me inspirim dhe shpirt të lartësuar.
Kjo liri, për të cilën kanë luftuar me armë dhe janë sakrifikuar, sot kërkon prej nesh të investojmë njohuri, mund dhe solidaritet.
Sakrifica e tyre le të jetë udhërrëfyesi ynë i përjetshëm – për Shkupin, për Maqedoninë dhe për brezat e ardhshëm.”
