Presidentja Gordana Siljanovska Davkova, në suazat e pjesëmarrjes në Samitin për ndryshimet klimatike (KOP29) në Baku, u takua me Presidentin e Republikës së Azerbajxhanit, Ilham Aliev. Në këtë takim mori pjesë edhe ministrja e Energjisë, Minierave dhe Burimeve Minerale, Sanja Bozinovska.
Në takim u shkëmbyen mendime për marrëdhëniet e përgjithshme bilaterale ndërmjet dy shteteve, ku u vlerësua se ato janë miqësore dhe në këtë drejtim u shpreh përkushtimi për intensifikimin dhe thellimin e marrëdhënieve në kulturë, turizëm, arsim dhe fusha të tjera me interes të përbashkët.
Presidentja Siljanovska Davkova e theksoi interesimin nga pala maqedonase për intensifikimin e bashkëpunimit ekonomik ndërmjet dy vendeve, veçanërisht në fushën e energjetikës, duke pasur parasysh interesimin tonë për diversifikimin e burimeve të furnizimit me energji.
Bashkëbiseduesit konfirmuan se marrëdhëniet ekonomike duhet të thellohen me marrëveshje të veçanta bilaterale dhe shprehën kënaqësinë për Memorandumin e mirëkuptimit ndërmjet kompanive energjetike maqedonase dhe azerbajxhanase, i cili u nënshkrua në Shkup me qëllim të përforcimit të stabilitetit energjetik maqedonas.
Në takim, Presidenti prezantoi edhe mundësitë për investime që i ofron shteti ynë. Presidenti Alijev shprehu gatishmërinë për projekte të mundshme infrastrukturore lidhur me gazifikimin e shtetit tonë.
Në takim, Presidentja Siljanovska Davkova e përgëzoi për organizimin e shkëlqyer të samitit dhe e falënderoi për mikpritjen.
