Presidentja Gordana Siljanovska Davkova, sot edhe nesër do të qëndrojë në vizitë pune në Malin e Zi, me rastin pjesëmarrjes në takimin e liderëve të vendeve pjesëmarrëse në Procesin Bërdo-Brioni, me ftesë nga Presidenti i Republikës së Kroacisë, Zoran Millanoviq, Presidentja e Republikës së Sllovenisë, Natasha Pirc Musar dhe Presidenti i Malit të Zi, Jakov Millatoviq.
Temat e diskutimit ku fokusohe ndërlidhen me deklaratën e miratuar në takimin e vitit të kaluar të Procesit Brdo-Brioni dhe i trajtojnë çështjet që lidhen me të rinjtë dhe politikat rinore, nevojën për lidhje më të madhe rajonale, zhvillimin e qëndrueshëm dhe mbrojtjen e mjedisit, si çështje me interes të përbashkët për vendet e Ballkanit Perëndimor.
Në samitin, i cili po mbahet në Tivat dhe nikoqir i të cilit është Presidenti i Malit të Zi, Jakov Millatoviq, marrin pjesë Presidenti i Republikës së Shqipërisë, Bajram Begaj, Kryesuesi dhe dy anëtarët e Presidencës së Bosnjës dhe Hercegovinës, Denis Beqiroviq, Zhelka Cvijanoviq dhe Zhelko Komshiq, Presidentja e Republikës së Kosovës, Vjosa Osmani dhe Presidenti i Republikës së Serbisë, Aleksandar Vuçiq.
Procesi Bërdo-Brioni është formuar në vitin 2013 me iniciativë të përbashkët të Sllovenisë dhe Kroacisë dhe e promovon dialogun dhe bashkëpunimin midis shefave të shteteve dhe qeverive mbi çështje me interes të përbashkët, me qëllim përfundimtar – integrimin e vendeve të Ballkanit Perëndimor në Bashkimin Evropian.
