Presidentja Gordana Siljanovska Davkova do të qëndrojë në vizitë pune në Malin e Zi, me rastin e pjesëmarrjes së saj në Forumin e Integrimit Ballkanik 2025, i cili do të mbahet në Podgoricë, i organizuar nga Lëvizja Europiane në Mal të Zi dhe Ministria e Punëve të Jashtme dhe Bashkëpunimit Ndërkombëtar të Italisë.
Presidentja Siljanovska Davkova do të mbajë një fjalim në sesionin me titull “Presidentët për Integrimet në BE – A kemi plan?” dhe do të zhvillojë një takim bilateral me Presidentin e Malit të Zi, Jakov Millatoviç.
Në fokus të Forumit të Integrimit Ballkanik janë sfidat gjeopolitike në botë, BE dhe rajonin e Ballkanit Perëndimor, si dhe fushat kryesore në procesin e integrimit europian: liritë dhe të drejtat themelore të njeriut, sundimi i ligjit, qeverisja e mirë, siguria, lufta kundër korrupsionit dhe krimit të organizuar.
Përveç zyrtarëve shtetërorë nga rajoni, në këtë forum do të marrin pjesë ekspertë të shquar të integrimit europian dhe përfaqësues të sektorit të biznesit.
