Presidentja Gordana Siljanovska Davkovame rastin e festës së madhe të krishterë Lindjen e Krishtit – Krishtlindjen , i dërgoi urim Kiro Stojanov, Peshkopit të Shkupit dhe Diaqezës së Strumicës dhe Shkupiit dhe të gjithë besimtarëve të cilët e festojnë Krishtlindjen sipas Kalendarit Gregorian.
Të nderuar,
Kam kënaqësinë e veçantë të gjithë besimtarëve të cilët e festojnë Krishtlindjen sipas Kalendarit Gregorian, t’jua uroj ditën e Lindjes së Krishtit – Krishtlindjen.
Dëshiroj sinqerisht që dita më e ndritshme të sjellë paqe, dashuri dhe gëzim në zemrat tuaja dhe të lindë besim dhe shpresë për një të ardhme më humane.
Krishtlindja është simbol i lindjes së re, e një jete të re dhe më të bukur. Ajo na kujton dashurinë pa kushte, dhurimin dhe unitetin dhe na jep fuqi dhe qetësi shpirtërore.
Duke iu gëzuar ditëve të festave në ngrohtësinë e shtëpive tona dhe në rrethin e më të afërmve, të mos e harrojmë shtëpinë tonë – atdheun.
Ta ruajmë dhe ta respektojmë dinjitetin e saj që të jemi edhe vetë dinjitozë dhe të respektuar!
Gëzuar Krishtlindjen!
Gordana Siljanovska Davkova
