Presidentja Gordana Siljanovska Davkova dërgoi urime me rastin e festimit të 21 Dhjetorit – Ditës së Mësimdhënies në Gjuhën Turke.
Të nderuar bashkëqytetarë turq,
Në thurjen e pasur të atdheut tonë, bashkësia turke është një fill i shndritshëm i cili e fisnikëron mozaikun e jetesës së përbashkët duke kontribuar në përforcimin e mirëkuptimit dhe harmonisë së ndërsjellë.
Më 21 dhjetor 1944, për herë të parë u shpërhap zëri i mësimdhënies në gjuhën turke në shkollën “Tefejuz”.
Dita e Mësimdhënies në Gjuhën Turke e mishëron të drejtën e çdo populli që të kultivohet gjuha amtare si pjesë e identitetit nacional dhe kulturor. Gjuha dhe kultura turke është pjesë e rëndësishme e thesarit multikulturor maqedonas dhe dëshmi për simbiozën dhe bashkëjetesën midis popujve.
Gjuha nuk është vetëm mjet për komunikim por edhe fuqi lëvizëse që i dimensionon arritjet e shkencës, e formëson kulturën dhe e nxit mençurinë e popujve.
Kjo festë le të jetë nxitje për suksese edhe më të mëdha në ruajtjen dhe në zhvillimin e gjuhës, kulturës dhe traditës suaj. Kurse, mësimdhënia në gjuhën turke le të vazhdojë t’i reflektojë vlerat e njohurive, tolerancës dhe respektimit në jetesën tonë të përbashkët.
Gëzuar 21 Dhjetorin, Ditën e Mësimdhënies në Gjuhën Turke!
Gordana Siljanovska Davkova
