Presidentja Gordana Siljanovska Davkova sot e mirëpriti ekipin udhëheqës të Entit shtetëror të revizionit, të udhëhequr nga revizori shtetëror kryesor, Maksim Acevski.
Në këtë takim u informua mbi punën aktuale dhe gjetjet kryesore alarmante në Raportin vjetor për revizionet e kryera.
Ekipi udhëheqës e informoi mbi gjendjet më serioze dhe nevojën për tejkalimin e tyre të shpejtë dhe efikas. Gjithashtu, revizori kryesor shtetëror i prezantoi aktivitetet aktuale dhe të planifikuara, në përputhje me Programin vjetor të punës.
Presidentja Siljanovska-Davkova shprehu përshtypjen e saj për qasjen e thellë, eksperte dhe profesionale të ESHR-së në zbatimin e përgjegjësive të veta, gjë që e vendos atë midis organeve më të respektuara shtetërore brenda, por edhe jashtë vendit. Ajo shprehu mbështetje të veçantë për qasjen sistematike dhe transparente në punë, duke e theksuar nevojën e menaxhimit të ligjshëm dhe efikas të të mirave dhe fondeve publike, si dhe sanksionimin e veprimeve të kundërligjshme.
Ajo theksoi se respektimi i gjetjeve dhe rekomandimeve të ESHR-së është thelbësor për promovimin e llogaridhënies dhe transparencës në sektorin publik.
Profesionalizmi dhe pavarësia e revizorëve u theksuan si arsyet kryesore për reputacionin, vlerësimin dhe besimin e lartë në Entin shtetëror të revizionit.
U ngrit çështja e Ligjit të ri për revizioni shtetëror, si dhe nevoja për garantimin e statusit kushtetues të ESHR-së, si garanci e pavarësisë.
