Presidentja Gordana Siljanovska Davkova, në emër të qytetarëve maqedonas dhe në emrin e saj personal, shpreh falënderime të sinqerta për të gjitha shtetet mike që, në momentet e tragjedisë dhe tronditjes kombëtare, të shkaktuara nga apokalipsi i Koçanit, dhanë dhe ende po japin ndihmë në kohë dhe pa u kursyer, të udhëhequr nga parimet e solidaritetit dhe humanizmit.
Angazhimi i ekipeve të tyre mjekësore, gatishmëria e avionëve dhe helikopterëve për ndërhyrje të urgjente, hapja e institucioneve shëndetësore për qytetarët e plagosur, si dhe aktivizimi i mekanizmit evropian për mbrojtjen civile, dërguan një mesazh të qartë dhe të fuqishëm se në momentet më të vështira, ne nuk jemi vetëm. Ata e ndanë dhimbjen me ne, dhe kujdesi i tyre u bë një ilaç i përbashkët për të gjithë ne.
E ndiem forcën e miqësisë së vërtetë nëpërmjet pranisë dhe mbështetjes së tyre, e cila do të mbetet e gdhendur në memorien kolektive të popullit tonë.
Është e trishtueshme që nëpërmjet dhimbjes dhe humbjes së pakthyeshme, kemi kuptuar lidhjen thelbësore me botën dhe ndjenjën e thellë të përkatësisë, diçka që nuk duhej të ishte produkt i një tragjedie.
I falënderojmë nga zemra
dhe asnjëherë nuk do ta harrojmë ndihmën e dhënë nga:
Republika e Serbisë
Republika e Bullgarisë
Republika e Turqisë
Republika Helene
Mbretëria e Spanjës
Republika e Austrisë
Hungaria
Republika e Kroacisë
Mbretëria e Belgjikës
Republika Italiane
Republika e Lituanisë
Republika e Sllovenisë
Mbretëria e Suedisë
Republika e Polonisë
Shteti i Izraelit
Republika e Çekisë
Mbretëria e Bashkuar
Republika Federale e Gjermanisë
Dukata e Madhe e Luksemburgut
Mbretëria e Norvegjisë
Rumania
Republika e Shqipërisë
Bosnja dhe Hercegovina
Mbretëria e Holandës
Republika e Finlandës
Republika Franceze
BE-ja.
