Presidentja Gordana Siljanovska Davkova sot e mirëpriti guvernatoren e Bankës Kombëtare të Republikës së Maqedonisë së Veriut, Anita Angejjovska-Bezhoska.
Në këtë takim, i pari që nga marrja e detyrës, Presidentja Siljanovska Davkova u informua mbi punën e deritanishme të Bankës Kombëtare dhe realizimin e qëllimeve të parapara, që kanë për qëllim arritjen dhe ruajtjen e stabilitetit të çmimeve dhe ruajtjen e një sistemi financiar të qëndrueshëm, konkurrues dhe të orientuar drejt tregut.
Në takim, guvernatorja Angellovska-Bezhoska i prezantoi edhe qëllimet s
trategjike që kanë për qëllim përmirësimin e zbatimit të politikës monetare, stabilitetin e sistemit bankar, funksionimin pa probleme të sistemeve të pagesave, menaxhimin e rezervave valutore, kurse në funksion të sigurimit
të kushteve për shërbime financiare efikase, inovative dhe të sigurta.
Presidentja Siljanovska Davkova e përshëndeti për përpjekjet e Bankës Kombëtare në ruajtjen e stabilitetit makroekonomik të vendit, në kushte të rreziqeve gjeopolitike dhe gjeoekonomike.
Guvernatorja Angellovska-Bezhoska e uroi Presidenten Siljanovska Davkova m
e rastin e marrjes së detyrës dhe i uroi suksese në punën e saj.
