Presidentja Gordana Siljanovska Davkova, sot në Vilën Biljana në Ohër i mirëpriti përfaqësuesit maqedonas në Olimpiadën e 56-të ndërkombëtare të kimisë, që nga 21 deri më 30 korrik u mbajt në Arabinë Saudite dhe në të cilën fituan një medalje të argjendtë dhe një bronzi .
Në konkurrencë me 327 nxënës nga 84 shtete nga e gjithë bota, Petar Mirçevski, nxënës në vitin III në gjimnazin “Mirçe Acev” nga Prilepi mori medalje të argjendtë, kurse Mario Bançovski, nxënës në vitin III në gjimnazin “Sllavço Stojmenski” nga Shtipi mori medalje bronzi.
Rezultate të rëndësishme kishin edhe dy përfaqësuesit maqedonas – Ivan Kotevski, nxënës në vitin III në gjimnazin “Sllavço Stojmenski” nga Shtipi dhe Elena Zhivaljeviq, nxënëse në vitin III në shkollën e mesme “Jahja Kemal” nga Shkupi.
Në këtë takim, ku morën pjesë edhe mentorët e tyre nga Unioni i kimistëve dhe teknologëve të Maqedonisë dhe profesorë nga Instituti i Kimisë në Fakultetin e Shkencave Matematikore dhe Natyrore nga Shkui, Marina Stefova dhe Miha Bukleski, Presidentja Siljanovska Davkova i përgëzoi për rezultatet e shkëlqyera duke theksuar se arritjet t tyre duhet të jenë nxitje dhe inspirim për të rinjtë që merren me punë shkencore-kërkimore.
Presidentja Siljanovska Davkova shprehu mirënjohje edhe për arritjet e tyre në garat e mëparshme ndërkombëtare dhe në vend.
Njëkohësisht, Presidentja Siljanovska Davkova i theksoi angazhimet e veta për gjetjen e zgjidhjes së qëndrueshme sistemore për logjistikë dhe mbështetje financiare në pjesëmarrjet e ardhshme të përfaqësuesve maqedonas në gara të ngjashme.
