Presidentja Gordana Siljanovska Davkova, në suazat e pjesëmarrjes në Samitin për ndryshimet klimatike (KOP29) në Baku, u takua me Presidentin e Republikës së Kazakistanit, Kasim-Xhomart Tokajev.
Në këtë takim u konfirmuan marrëdhëniet miqësore midis dy shteteve dhe u shkëmbyen mendime mbi situatën aktuale gjeopolitike, si dhe për rolin rajonal të dy shteteve.
Si urë lidhëse midis Azisë dhe Evropës, Presidentja e përshëndeti kontributin e Kazakistanit dhe ndikimin e tij të rëndësishëm në suazat globale, ndërsa shprehu gatishmërinë për të vazhduar bashkëpunimin dhe konstruktivitetin në suazat e organizatave ndërkombëtare, veçanërisht në Kombet e Bashkuara dhe OSBE.
Në takim midis dy presidentëve u bisedua mbi mundësinë e bashkëpunimit në sferën e kulturës, shkencës dhe arsimit, për çka kryetarja Siljanovska Davkova theksoi se nevojitet përmirësimi i kornizës ligjore, intensifikimi i dialogut politik, takimet më të shpeshta, shkëmbimi i vizitave dhe kontakteve personale.
Në këtë drejtim, Presidentja shprehu interesim për maksimizimin e bashkëpunimit ekonomik, shkëmbimit tregtar, investimeve, si dhe konkretizimin e bashkëpunimit në sektorin e ndërtimit, energjetikës, TI-së dhe turizmit.
Në këto bisedime u përshëndet hapja e Ambasadës së Kazakistanit në Shkup, si një hap i rëndësishëm në thellimin e marrëdhënieve të përgjithshme bilaterale.
