Presidentja Gordana Siljanovska Davkova sot mori vendim për përbërjen dhe për emërimin e kryetarit dhe anëtarëve të Komisionit për Falje.
Kryetar i Komisionit për Falje është emëruar prof. dr. Metodija Kanevçev, kurse anëtarë të Komisionit janë emëruar prof. dr. Gordan Kallajxhiev, prof. dr. Arlinda Kadri Shahinoviq, dr. Zora Mitiq, mr. Ana Gjorgjieva Ivanovska, Sashe Dimovski dhe Ajten Shaqiri.
Gjatë përzgjedhjes së anëtarëve të Komisionit për Falje, Presidentja Siljanovska Davkova u udhëhoq nga kriteret e profesionalizmit, kompetencave dhe konkurrencës. Anëtarët e emëruar janë ekspertë dhe njohës të shquar të fushës së drejtësisë.
