Presidentja Gordana Siljanovska-Davkova, sot në vila Biljana priti të rinjtë nga Ohri, me rastin e 12 Gushtit, Dita Ndërkombëtare e të Rinjve.
Në mesin e tyre: përfaqësues të Qendrës Rinore Ohër, anëtarë të Këshillit Rinor nga Ohri, kampionë të gjeneratës nga tre shkollat e mesme të qytetit, kreatorë të eko-aplikacionit “Trashpinger”, pjesëmarrës në shkëmbime ndërkombëtare rinore, si dhe anëtarë të Shkollës verore për kitarë dhe të Shkollës verore të artit figurativ pranë QRO-së.
Presidentja u shprehi përgëzime me rastin e Ditës Ndërkombëtare të të Rinjve, duke e quajtur këtë ditë “festa më e rëndësishme në botë”.
Të rinjtë i prezantuan shkathtësitë e tyre për TI, si dhe talentet për pikturë, vallëzim dhe muzikë. Gjimnazistët më të suksesshëm i ndanë përvojat nga shkollimi dhe planet për të ardhmen, ndërsa pjesëmarrësit në shkëmbimin ndërkombëtar informuan për përvojat pozitive nga vizitat e tyre.
Për presidenten, Ohri do të jetë më i bukur nëse përdoren dituria, truri dhe talenti i të rinjve, si bartës të ideve të reja. Të rriturit duhet t’u mundësojnë të rinjve pjesëmarrje në menaxhimin me të tashmen, nëse dëshirojnë një të ardhme më të mirë.
Për të gjithë, një premisë e rëndësishme për pjesëmarrjen rinore në procesin e vendimmarrjes është miratimi i ndryshimeve të Ligjit për Pjesëmarrje Rinore dhe Politika Rinore.
Presidentja iu falënderua mysafirëve për ditën e mrekullueshme.
