Presidentja Gordana Siljanovska Davkova mori pjesë në festimin e 30-vjetorit të vendosjes së marrëdhënieve diplomatike me Shtetet e Bashkuara të Amerikës, që u mbajt në Nju Jork.
Presidentja Siljanovska Davkova theksoi se shpreson që ne do të vazhdojmë partneritetin strategjik me Shtetet e Bashkuara të Amerikës edhe në 30 vitet e ardhshme, sepse jetojmë në kohëra të turbullta në të cilat mbështetja e ndërsjellë është e nevojshme në nivel global.
Duke iu drejtuar përfaqësuesve të diasporës maqedonase, ajo i vlerësoi sukseset e tyre dhe u uroi atyre të qëndrojnë të bashkuar. Presidentja Siljanovska Davkova shprehu besimin e saj se së bashku mund të punojmë për të përmirësuar jetën në atdhe.
“Ne jemi borxhlinj ndaj juve. Ju premtoj se do të bëj gjithçka për t’i intensifikuar kontaktet edhe kur jemi larg njëri-tjetrit”, tha ajo, duke shtuar se së shpejti do të formojë Këshillin e Diasporës përmes të cilit marrëdhëniet do të rregullohen në mënyrë të vazhdueshme.
Në këtë ngjarje, kanë marrë pjesë përfaqësues të institucioneve qeveritare amerikane, diplomatë maqedonas në Shtetet e Bashkuara të Amerikës, si dhe përfaqësues të komunitetit maqedonas.
