Presidentja Gordana Siljanovska Davkova sot në Ohër e mirëpriti drejtorin e Teatrit kombëtar maqedonas, Nikolla Kimovskin.
Në këtë takim, Presidentja Siljanovska Davkova u informua mbi punën e deritanishme të TKM-së dhe përgatitjet për sezonin e ri 2024/2025, i cili do të shënohet në shtator, me hapjen ceremoniale të skenës verore “Sllavisha Kajevski”.
Drejtori Kimovski e informoi Presidenten Siljanovska Davkova për programin e paraparë të manifestimit, i cili do të mbahet në periudhën nga 17 shtatori deri më 1 tetor dhe do të përfshijë shfaqje teatrale popullore dhe interpretues të njohur muzikor nga skena maqedonase.
Në këtë takim u diskutua edhe mbi jubileun e ardhshëm – 80 vjet të TKsë, i cili do të festohet në vitin 2025.
