Presidentja Gordana Siljanovska Davkova, në suazat e vizitës zyrtare në Malin e Zi, sot në Podgoricë u takua me Kryeministrin e Qeverisë së Malit të Zi, Millojko Spajiq.
Në këtë takim u shkëmbyen mendime mbi marrëdhëniet e përgjithshme bilaterale midis dy shteteve, aspirimet evropiane dhe gjendjet në rajon.
Presidentja Siljanovska Davkova shprehu kënaqësinë nga zhvillimi i deritanishëm i marrëdhënieve dhe bashkëpunimit, që karakterizohen nga miqësia tradicionalisht e fuqishme, qëndrimet identike në lidhje me zhvillimin e bashkëpunimit ndërkombëtar dhe rajonal, me qëllime të përbashkëta strategjike – paqe dhe stabilitet në rajon dhe anëtarësimi në BE.
Presidentja Siljanovska Davkova e theksoi pritjen që përparimi në evrointegrimet maqedonase të vlerësohet drejt, në bazë të Kritereve të Kopenhagës dhe shprehu pritjen për shkëmbim të ekspertizës dhe përvojave me administratën malazeze në negociatat me Bashkimin.
Ajo theksoi se midis prioriteteve të saj kryesore është bashkëpunimi rajonal, duke thënë se nëpërmjet respektimit dhe nxitjes së unitetit në rajon, mund ta përshpejtojmë integrimin e Ballkanit Perëndimor në BE. Në këtë drejtim, bashkëfolësit propozuan zgjidhje konkret: rivendosjen e linjës së drejtpërdrejtë ajrore, formimin e qendrave kulturore në të dy shtetet, se dhe mbajtjen sa më të shpejtë të seancës ndërqeveritare. Kryeministri e theksoi përkushtimin për shkëmbimin e përvojave të deritanishme evrointegruese malazeze me institucionet maqedonase.
Bashkëfolësit konkluduan se nevojitet një hap i shpejtë dhe i madh në bashkëpunimin ekonomik i cili do t’i ndjekë marrëdhëniet e përkryera politike.
